Andhra Pradesh: అప్పులు చేయడంలో ఏపీది నెం.1 స్థానం- చంద్రబాబు

Andhra Pradesh: మద్యం, ఇసుక దోపిడీతో పాటు అప్పులు చేయడంలో ఆంధ్రప్రదేశ్‌ నెంబర్‌ వన్‌ స్థానంలో ఉందని విమర్శించారు టీడీపీ అధ్యక్షుడు చంద్రబాబు. రాష్ట్రంలో మానవ హక్కుల ఉల్లంఘన కూడా ఎక్కువగా ఉందని ఆరోపించిన ఆయన దేశ చరిత్రలో ఆలయాలపై ఎన్నడూ జరగని దాడులు జగన్‌ పాలనలో జరిగాయన్నారు. తిరుమల పవిత్రత దెబ్బతినే విధంగా వ్యవహరిస్తున్నారని మండిపడ్డారు. రాష్ట్రంలో మరి ఇన్ని దారుణాలు జరుగుతుంటే సీఎం జగన్‌ ఎందుకు స్పందించడం లేదని ప్రశ్నించారు. సీఎం తన ఇంటికి డొనాట్‌ డిస్టర్బ్ బోర్డు పెట్టుకున్నారని ఎద్దేవా చేశారు చంద్రబాబు.