Andhra Pradesh: టెన్త్‌, ఇంటర్‌ పరీక్షలపై కీలక నిర్ణయం తీసుకునే ఛాన్స్‌

Andhra Pradesh: ఏపీలో టెన్త్ , ఇంటర్ పరీక్షలపై ఇవాళ కీలక నిర్ణయం వెలువడే అవకాశం ఉంది. కాసేపట్లో నాడు-నేడుపై సీఎం జగన్ సమీక్ష నిర్వహించనున్నారు. ఇప్పటికే ఇంటర్ , టెన్త్ పరీక్షల నిర్వహణపై ప్రతిపాదనలు సిద్ధం చేసిన విద్యాశాఖ.. వాటిని సీఎం ముందు ఉంచనుంది. జులై 7 నుంచి 25 వరకు ఇంటర్ పరీక్షలు, జులై 26 నుంచి ఆగస్టు 2 వరకు టెన్త్ పరీక్షలు నిర్వహించేందుకు అధికారులు కసరత్తు చేస్తున్నారు. ఇదిలా ఉండగా సీఎం నిర్ణయంపై విద్యార్థులు, తల్లిదండ్రులు, టీచర్లలో ఉత్కంఠ నెలకొంది. మరోవైపు కరోనా సెకండ్ వేవ్ వ్యాప్తి కొనసాగుతున్న నేపథ్యంలో పరీక్షలను పూర్తిగా రద్దు చేయాలని ప్రతిపక్షాలు డిమాండ్ చేస్తున్నాయి.