APPSC: గ్రూప్-1 మెయిన్స్ తేదీలను వెల్లడించిన ఏపీపీఎస్సీ

APPSC: గ్రూప్ 1 పరీక్షల నిర్వహణకు సంబంధించి ఏపీపీఎస్సీ కీలక అప్ డేట్ ఇచ్చింది. మెయిన్స్ పరీక్షలను ఈ ఏడాది మే 3వ తేదీ నుంచి 9వ తేదీ వరకు నిర్వహించాలని ఏపీపీఎస్సీ డిసైడ్ చేసింది. ఈ మేరకు అధికారికంగా తేదీలను కూడా విడుదల చేసింది. ఇక గ్రూప్ 1 మెయిన్స్ పరీక్షలను డిస్క్రిప్టివ్ టైమ్ లో నిర్వహిస్తామని ప్రశ్నాపత్రాన్ని ట్యాబుల్లో ఇవ్వాలని నిర్ణయించినట్లు ఏపీపీఎస్సీ కార్యదర్శి తెలిపారు. ప్రతి రోజు ఉదయం 10గంటల నుంచి మధ్యాహ్నం 1గంట వరకు పరీక్షలను నిర్వహించనున్నట్లు తెలిపారు.

ఆంధ్రప్రదేశ్ లో మొత్తం 81 గ్రూప్ 1 పోస్టుల భర్తీకి గతేడాది మార్చి 17న ప్రిలిమ్స్ పరీక్ష నిర్వహించిన విషయం తెలిసిందే. మొత్తం 1,48,881 మంది ప్రిలిమ్స్ కు దరఖాస్తు చేసుకున్నారు. 4,496 మంది మెయిన్స్ కు అర్హత సాధించినట్లు అధికారులు తెలిపారు.

పరీక్షల తేదీలివే

మే 3 – క్వాలిఫైయింగ్ ఎగ్జామ్(తెలుగు)

మే 4 – క్వాలిఫైయింగ్ ఎగ్జామ్(ఇంగ్లీష్)

మే 5 – పేప‌ర్ 1(జ‌న‌ర‌ల్ ఎస్సే)

మే 6 – పేప‌ర్ 2(ఇండియా, ఏపీ చ‌రిత్ర‌, సంస్కృతి, భూగోళ‌శాస్త్రం)

మే 7 – పేప‌ర్ 3( పాలిటీ)

మే 8 – పేప‌ర్ 4( ఇండియా, ఏపీ ఎకాన‌మి)

మే 9 – పేప‌ర్ 5(సైన్స్ అండ్ టెక్నాల‌జీ అండ్ ఎన్విరాన్‌మెంట‌ల్ ఇష్యూస్)