Pawan Kalyan: ఏపీ డిప్యూటీ సీఎం పవన్ కల్యాణ్ కు తీవ్ర జ్వరం..కేబినెట్ మీటింగ్ కు డుమ్మా

Pawan Kalyan: ఏపీ ఉపముఖ్యమంత్రి పవన్ కల్యాణ్ వైరల్ ఫీవర్ తో బాధపడుతున్నారు. తీవ్ర జ్వరంతో పాటు స్పాండిలైటిస్ సమస్యతో కూడా ఇబ్బంది పడుతున్నారు. ఈ విషయాన్ని రాష్ట్ర ఉపముఖ్యమంత్రి కార్యాలయం తెలిపింది. అనారోగ్య సమస్యల కారణంగా వైద్యుల సూచన మేరకు పవన్ కల్యాణ్ విశ్రాంతి తీసుకొంటున్నారని ఏపీ డిప్యూటీ సీఎంవో తెలిపింది. ఈ నేపథ్యంలో గురువారం జరిగే కేబినెట్ సమావేశానికి పవన్ కల్యాణ్ హాజరు కాకపోవచ్చని తెలిపింది.

నేడు ఉదయం ఏపీ కేబినెట్ సమావేశం కానుంది. ప్రోత్సాహక మండలి సమావేశంలో ఆమోదం తెలిపిన పరిశ్రమలకు భూ కేటాయింపులతో పాటు రిజిస్ట్రేషన్ విలువల పెంపు సహా పలు కీలక అంశాలపైనా ఈ భేటీలో చర్చించి నిర్ణయం తీసుకోనున్నారు. విశాఖలోని పంచగ్రామాల సమస్యపైనా ఇందులో చర్చించే ఛాన్స్ ఉంది. ఈనెల 24వ తేదీ నుంచి అసెంబ్లీ సమావేశాలు నిర్వహించే అంశంపైనా చర్చించనున్నట్లు తెలుస్తోంది.