AP Congress: అసెంబ్లీకి కాంగ్రెస్‌ పార్టీ మరో జాబితా విడుదల

AP Congress: ఏపీ అసెంబ్లీ ఎన్నికల కోసం కాంగ్రెస్ పార్టీ మరో లిస్ట్ రిలీజ్ చేసింది. ఈ ఎన్నికల్లో ఉనికి చాటుకోవాలని పట్టుదలగా ఉన్న హస్తం పార్టీ.. ప్రత్యర్థులకు పోటీ ఇచ్చే అభ్యర్థులను బరిలో నిలుపుతోంది. ఈ క్రమంలోనే 38 మంది అభ్యర్థుల పేర్లతో తాజాగా జాబితాను విడుదల చేసింది. గతంలో 114 స్థానాలకు వెల్లడించగా.. తాజాగా 38 నియోజకవర్గాలకు ఖరారు చేశారు. ఇప్పటికే ప్రకటించిన 10 స్థానాల్లో అభ్యర్థులను మార్చారు. ఈ మేరకు ఏఐసీసీ ప్రధాన కార్యదర్శి కేసీ వేణుగోపాల్‌ ఓ ప్రకటన విడుదల చేశారు. దీంతో ఇప్పటి వరకు 142 స్థానాలకు హస్తం పార్టీ అభ్యర్థులను ప్రకటించినట్లయింది. ఇండియా కూటమి పొత్తులో భాగంగా అరకు లోక్‌సభతో పాటు 8 అసెంబ్లీ సీట్లను సీపీఎంకు కేటాయించారు. రాష్ట్రంలోని 25 లోక్‌సభ స్థానాల్లో ఇప్పటి వరకు 20 చోట్ల అభ్యర్థులను కాంగ్రెస్‌ ప్రకటించింది. పొత్తులో ఒకటి సీపీఎంకు వెళ్లిపోవడంతో మరో నాలుగు ఎంపీ, మిగిలిన అసెంబ్లీ స్థానాలకు ఖరారు చేయాల్సి ఉంది.