సీజ్ చేసిన వాహనాలను తిరిగి తీసుకువెళ్ళవచ్చు : ఏపీ పోలీసులు

ఏపీ ప్రజలకు గుడ్ న్యూస్ చెప్పారు పోలీసులు.. లాక్ డౌన్ టైంలో రాష్ట్ర వ్యాప్తంగా సీజ్ చేసిన వాహనాలను తిరిగి తీసుకువెళ్ళవచ్చునని వెల్లడించారు. అయితే వాహనాలకి సంబంధించిన పాత్రలను పోలిస్ స్టేషన్ లలో అందించాల్సి ఉంటుంది. అంతేకాకుండా అయితే ఆ వాహనాలపై ఉన్న చలానాలను కూడా చెల్లించాల్సి ఉంటుంది. ఈ మేరకు ఇప్పటికే జిల్లా ఎస్పీలకు ఆదేశాలు జారీ చేశారు. ఈ మేరకు ఏపీ పోలీస్ అధికారిక ట్విట్టర్‌లో కూడా సమాచారం ఇచ్చారు. ఈ మేరకు ఏపీ పోలీస్ అధికారిక ట్విట్టర్‌లో ఓ పోస్ట్ చేసింది.

కరోనా వ్యాప్తిని అడ్డుకోవడానికి కేంద్ర, రాష్ట్ర ప్రభుత్వాలు లాక్ డౌన్ ని విధించాయి. అయితే కొందరు ఎదో వంకతో లాక్ డౌన్ నిబంధనలని పక్కన పెట్టి రోడ్ల పైకి వచ్చారు. దీనితో పోలీసులు ఆ వాహనాలను సీజ్ చేశారు. ఇప్పుడు లాక్‌డౌన్ సడలించడంతో ఆ వెహికల్స్‌ను తీసుకెళ్లేందుకు అవకాశం కల్పించారు. ఇక అటు తెలంగాణలో ఇప్పటికే సీజ్ చేసిన వాహనాలను తిరిగి తీసుకెళ్లాలని పోలీసులు వెల్లడించిన సంగతి తెలిసిందే.. తాజాగా ఏపీ పోలీసులు ఈ నిర్ణయం తీసుకున్నారు.