Top
logo

Committee for study on New Districts in AP: కొత్త జిల్లాల ఏర్పాటులో మరో ముందడుగు.. అధ్యయన కమిటీలు నియామకం

Committee for study on New Districts in AP: కొత్త జిల్లాల ఏర్పాటులో మరో ముందడుగు.. అధ్యయన కమిటీలు నియామకం
X
Andhra Pradesh
Highlights

Committee for study on New Districts in AP: కొత్త జిల్లాల ఏర్పాటు దిశగా ఏపీ ప్రభుత్వం మరో ముందడుగు వేసింది.

Committee for study on New Districts in AP: కొత్త జిల్లాల ఏర్పాటు దిశగా ఏపీ ప్రభుత్వం మరో ముందడుగు వేసింది. వీటి ఏర్పాటులో కీలక భూమికైనా అధ్యయనం చేసే విషయమై ప్రభుత్వం చర్యలు తీసుకుంది. భవిషత్తులో జిల్లాల ఏర్పాటులో ఈ కమిటీ ఇచ్చిన నివేదిక ఆధారంగానే ప్రభుత్వం చర్యలు తీసుకోవడం జరుగుతుంది. పరిపాలన సౌలభ్యం కోసం తీసుకునే చర్యల్లో ఈ కొత్త జిల్లాల ప్రతిపాదన తెరపైకి వచ్చింది.

రాష్ట్రంలో ప్రతి పార్లమెంట్‌ నియోజకవర్గాన్ని జిల్లాగా చేసేందుకు తన అధ్యక్షతన ఐదుగురు అధికారులతో అధ్యయన కమిటీని ఏర్పాటు చేస్తూ ప్రభుత్వ ప్రధాన కార్యదర్శి (సీఎస్‌) నీలం సాహ్ని శుక్రవారం ఉత్తర్వులు జారీ చేశారు. ఈ కమిటీలో భూపరిపాలన శాఖ ప్రధాన కమిషనర్, సాధారణ పరిపాలన (సర్వీసెస్‌) శాఖ కార్యదర్శి, ప్రణాళిక శాఖ కార్యదర్శి, సీఎం కార్యాలయ అధికారి సభ్యులుగా, ఆర్థిక శాఖ ముఖ్య కార్యదర్శి కన్వీనర్‌గా ఉంటారు. ఈ కమిటీ నివేదికను మూడు నెలల్లోగా ప్రభుత్వానికి సమర్పించాలి. కమిటీకి అవసరమైన సమాచారాన్ని అన్ని శాఖలు, ప్రభుత్వ విభాగాలు ఇవ్వాల్సిందిగా ఉత్తర్వుల్లో స్పష్టం చేశారు.

అధ్యయన కమిటీకి ప్రభుత్వం నిర్దేశించిన పంచ సూత్రాలు..

► ప్రస్తుతం ఉన్న మౌలిక వసతులు, మానవ వనరులను సమర్థవంతంగా వినియోగించుకోవడం.

► పరిపాలన వికేంద్రీకరణలో భాగంగా ఇప్పటికే రాష్ట్ర, జిల్లా, రెవెన్యూ డివిజన్‌ స్థాయిల్లో నిర్దిష్ట బాధ్యతలున్నాయి. పునర్వ్యవస్థీకరణలో వీటిని పరిగణనలోకి తీసుకోవాలి.

► ప్రజలకు మెరుగైన రవాణా సౌకర్యాలుండాలి.

► వీలైనంత తక్కువ వ్యయంతో జిల్లాలను పునర్వ్యవస్థీకరించాలి.

►ఈ మార్గదర్శకాలను పరిగణనలోకి తీసుకుని భౌగోళిక సరిహద్దులు, పరిపాలన కేంద్రాలను సూచిస్తూ 25 జిల్లాల ఏర్పాటుకు కమిటీ సిఫార్సులు చేయాలి.

దీనికోసమే కొత్త జిల్లాల ఏర్పాటు..

► ప్రభుత్వ సేవలను, పాలనను ప్రజల గడప ముందుకే తీసుకువెళ్లడం ద్వారా వారిలో సంతృప్త స్థాయిని పెంచాలనేది ప్రభుత్వ లక్ష్యం.

► ఇప్పటికే గ్రామ, వార్డు సచివాలయాల ఏర్పాటు, వలంటీర్ల వ్యవస్థ ద్వారా ప్రజలకు మెరుగైన సేవలు అందిస్తోంది.

► ఇప్పుడు గ్రామ, వార్డు సచివాలయాల పరిధిలోని ప్రజలకు జిల్లా అధికార యంత్రాంగాన్ని మరింత చేరువ చేయడమే లక్ష్యంగా జిల్లాల ఏర్పాటుకు నిర్ణయించింది.

Web TitleAndhra Pradesh Government Has Appointed another Committee for the study on New Districts
Next Story