శ్రీరామనవమి ఉత్సవాలు ప్లాస్టిక్ రహితంగా జరిపించాలి

దేశంలోకెల్లా అతి పెద్ద గిరిజన పండుగ మేడారం జాతరను ఎలాగైతే పూర్తి స్థాయిలో ప్రభుత్వం తరఫున ప్లాస్టిక్ రహితంగా జరిపించారో, దక్షిణ అయోధ్య అయినటువంటి భద్రాచలంలో కూడా ప్రతి ఏటా జరిగే శ్రీరామనవమి ఉత్సవాలను ఈ సంవత్సరం నుంచి పూర్తిస్థాయిలో ప్లాస్టిక్ రహితంగా జరిపించాలని కోరుతూ జేడీ ఫౌండేషన్ భద్రాచలం శ్రీ మురళీ మోహన్ కుమార్ ఆధ్వర్యంలో దేవస్థానం ఈవోని కలిసి వినతి పత్రం సమర్పించడం జరిగింది.

ఈ సందర్భంగా EO మాట్లాడుతూ జేడీ ఫౌండేషన్ వారి సేవలను తప్పనిసరిగా ఉపయోగించుకుని ఈ సంవత్సరం నుండి పూర్తిస్థాయిలో ప్లాస్టిక్ రహితంగా  శ్రీరామనవమి ఉత్సవాలు జరపడానికి తగు చర్యలు తీసుకుంటామని హామీ ఇచ్చారు. ఈ కార్యక్రమంలో ఫౌండేషన్ సభ్యులు చలపతిరావు, కడాలి నాగరాజు వికాస తరంగిణి సభ్యురాలు శ్రీమతి కమల రాజశేఖర్ తదితరులు పాల్గొన్నారు .