దసరా పండుగ వచ్చేస్తోంది.. తెలంగాణ ఆడ పడుచులు ఎప్పుడెప్పుడా అని ఎదరుచూసే బతుకమ్మ పండుగ రానే వస్తోంది. ఇక, బతుకమ్మ పండుగను పురస్కరించుకొని ప్రతీ ఏడాది మహిళలకు తెలంగాణ సర్కార్ చీరలు పంపిణీ చేస్తుండగా.. ఈ ఏడాది కోటి 2లక్షల మంది మహిళలకు ఉచితంగా చీరలను అందజేయాలని నిర్ణయించారు. సెప్టెంబర్ 28వ తేదీ నుంచి బతుకమ్మ పండుగ ప్రారంభం కానుండగా.. 20వ తేదీ నుంచి 27వ తేదీ వరకు చీరలు పంపిణీ చేయాలని ప్రభుత్వం భావిస్తోంది.