కామారెడ్డి జిల్లాలో కాంగ్రెస్ వర్సెస్ బీఆర్ఎస్.. గంపగోవర్ధన్, షబ్బీర్ అలీ మధ్య కొనసాగుతున్న సవాళ్ల పర్వం

Congress VS BRS: కామారెడ్డి జిల్లాలో కాంగ్రెస్ వర్సెస్ బీఆర్ఎస్ మధ్య సవాళ్ల ప్రతిసవాళ్లు పర్వం నడుస్తోంది. డబుల్ బెడ్ రూమ్ ఇళ్ల నిర్మాణాల్లో నాణ్యత లోపించిందని కాంగ్రెస్ నేత షబ్బీర్ అలీ ఆరోపిస్తుంటే. దమ్ముంటే నిరూపించాలని ప్రభుత్వ విప్ గంప గోవర్ధన్ అంటున్నారు. కామారెడ్డిలో ఈ సవాళ్ల పర్వం రాజకీయంగా చర్చకు దారితీసింది

బీఆర్ఎస్ ప్రభుత్వం కట్టిస్తున్న డబుల్ బెడ్ రూమ్ ఇండ్లలో నాణ్యత లోపించిందని షబ్బీర్ అలీ ఆరోపించారు. కొద్ది రోజుల్లోనే ఈ ఇళ్లు కూలిపోతాయన్నారు. నాణ్యతా లోపాలను బయటపెడతామని. దమ్ముంటే గంపగోవర్ధన్ డబుల్ బెడ్ రూమ్ ఇళ్ల నిర్మాణాల వద్దకు రావాలంటూ షబ్బీర్ అలీ సవాల్ విసిరారు.

షబ్బీర్ అలీ సవాల్‌పై ప్రభుత్వ విప్ గంప గోవర్ధన్ స్పందించారు. ఈ నెల 22 తర్వాత ఎప్పుడైనా వస్తానంటూ గంప గోవర్ధన్ స్పష్టం చేశారు. దమ్ముంటే ఇంజనీర్లను తీసుకుని రావాలని ప్రతిసవాల్ విసిరారు. తాను పారిపోనని. దొంగలా షబ్బీర్ అలీనే పారిపోతాడంటూ ఎద్దేవా చేశారు. నాణ్యతతో డబుల్ బెడ్ రూమ్ ఇండ్లు కట్టిస్తున్నామని తెలిపారు.