Redmi Note 14 5G: రెడ్‌మి ఫ్యాన్స్‌కు ఓ సర్‌ప్రైజ్ న్యూస్.. కొత్త రంగులో వచ్చిన నోట్ 14 5జీ..!

Redmi Note 14 5G: రెడ్‌మి అభిమానులకు ఓ సర్‌ప్రైజ్ న్యూస్. ప్రముఖ స్మార్ట్‌ఫోన్ కలర్‌ఫుల్ కలర్‌లో మార్కెట్‌లోకి వచ్చేసింది. Redmi Note 14 5G దేశంలో కొత్త ఐవీ గ్రీన్ కలర్ ఆప్షన్‌లో లాంచ్ అయింది. ఈ ఫోన్ గత డిసెంబర్‌లో టైటాన్ బ్లాక్, ఫాంటమ్ పర్పుల్ , మిస్టిక్ పర్పుల్ కలర్స్‌లో విడుదలైంది. ఈ ఫోన్‌ను కంపెనీ వెబ్‌సైట్ ద్వారా కొనుగోలు చేయడానికి అందుబాటులో ఉంది. ఫోన్‌పై రూ. 1,000 తగ్గింపును కూడా కంపెనీ అందిస్తోంది.

Redmi Note 14 5G Price

రెడ్‌మి నోట్ 14 5జీ ఫోన్ 6GB + 128GB స్టోరేజ్ వేరియంట్ ధర రూ.18,999. 8GB RAM + 128GB స్టోరేజ్ వేరియంట్ ధర రూ.19,999. 8GB RAM + 256GB స్టోరేజ్ వేరియంట్ ధర రూ. 21,999గా ఉంది. కంపెనీ ఐసిఐసిఐ, హెచ్‌డీఎఫ్‌సీ, ఎస్‌బీఐ క్రెడిట్/డెబిట్ కార్డ్‌ల చెల్లింపుపై 1,000 తక్షణ తగ్గింపును అందిస్తోంది. మీరు షియోమి వెబ్‌సైట్ ద్వారా Redmi Note 14 5G ఫోన్ ఐవీ గ్రీన్ కలర్ వేరియంట్‌ని ఆర్డర్ చేయచ్చు.

Redmi Note 14 5G Features

ఈ స్మార్ట్‌ఫోన్‌లో 6.67-అంగుళాల ఫుల్ HD ప్లస్ AMOLED డిస్‌ప్లే ఉంది. ఈ డిస్‌ప్లే 120Hz రిఫ్రెష్ రేట్, 2100 నిట్స్ పీక్ బ్రైట్నెస్‌కు సపోర్ట్ ఇస్తుంది. మొబైల్‌లో మీడియాటెక్ డైమెన్సిటీ 7025 అల్ట్రా ప్రాసెసర్ ఉంది. ఈ ఫోన్ ఆండ్రాయిడ్ 14 ఆధారంగా హైపర్ ఓఎస్‌తో పనిచేస్తుంది. ఈ ఫోన్‌కు రెండు ఓఎస్ అప్‌డేట్‌లు, నాలుగు సంవత్సరాల సెక్యూరిటీ ప్యాచ్‌లు లభిస్తాయి. గ్రాఫిక్స్ కోసం ఈ స్మార్ట్‌ఫోన్‌లో IMG BXM 8లో 256 GPU కూడా ఉంది.

ఫోన్‌లో OIS సపోర్ట్‌తో 50-మెగాపిక్సెల్ సోనీ కెమెరా ఉంది. ఇందులో 8-మెగాపిక్సెల్ సెకండరీ కెమెరా, 2-మెగాపిక్సెల్ మాక్రో లెన్స్ కెమెరా కూడా ఉన్నాయి. వీడియో కాలింగ్ కోసం, ఈ స్మార్ట్‌ఫోన్ 20-మెగాపిక్సెల్ ఫ్రంట్ కెమెరా ఉంది. ఫోన్‌లో 5110mAh బ్యాటరీ ఉంది. ఈ బ్యాటరీని ఛార్జ్ చేయడానికి 45W ఫాస్ట్ ఛార్జింగ్ సపోర్ట్ అందించారు. ఇతర ఫీచర్స్‌లో ఇన్-డిస్‌ప్లే ఫింగర్ ప్రింట్ సెన్సార్, స్టీరియో స్పీకర్లు, డాల్బీ అట్మోస్, IP64 రేటింగ్ , 5G, 4G VoLTE, Wi-Fi, బ్లూటూత్ 5.3, GPS, USB టైప్-C పోర్ట్ ఉన్నాయి.