అదో వింత చేప... అచ్చు మనిషి ముఖమే

చేపల్లో చాలా రకాల చేపలను ఇప్పటివరకూ మనందరం చూసే ఉంటాం. చాలా మంది జాలర్లు సముద్రంలో చేపలు పడుతూ ఉంటారు. సముద్రంలో జలకన్యలు ఉంటాయని వినడమే కానీ ఎప్పుడూ చూడలేదని వారు చెపుతుంటారు. కానీ వారికి ఎవరికీ ఎదురుకాని ఓ వింత అనుభవం ఓ యువతికి ఎదురైంది. చెరువులో తనకు కనిపించిన ఈ చేపను చూసి ‎ఆమె ఆశ్చర్యపోయింది. నిజమే మరి ఆ చేపను చూస్తే ఆశ్చర్యం కలిగించేలానే ఉంది. అచ్చు మనిషి ముఖం ఎలా ఉంటుందో అలాంటి ముఖంతో ఉంది.

ఈ వింత ఆకారం గల చేపను దక్షిణ చైనాలో మియో గ్రామంలో ఓ యువతి చెరువులో చూసింది. ఈ చేప రూపం వింతగా ఉండటంతో ఆశ్చర్యపోయింది. మనిషికి ఉన్నట్టుగానే ఆ చేపకు నోరు, ముక్కు, కళ్ళు ఉన్నాయి. ఆ చేప అలా అలా చెరువులో ఈదుకుంటూ వెలుతుంటే ఆ యువతి దాన్ని చూస్తూ వీడియో తీసింది.