మనకు ఆకలి అయితేనే ఆహారం తింటాం..ఈ సంగతి అందరికీ తెలిసిందే..ఆకలి బాగా ఎక్కువగా ఉంటే..కాస్త ఎక్కువగా తింటాము. కనీ కొందరికి ఎప్పుడూ ఆకలి అవుతూనే ఉంటుంది. దీంతో వారు ఆహారాన్ని అధికంగా తీసుకుంటుంటారు. ఈ క్రమంలో వారు అనారోగ్య సమస్యలను ఎదుర్కోవాల్సి వస్తుంది..ఈ నేపధ్యంలో కొన్ని ఆహారాలను తీసుకోవడం వల్ల కూడా ఆకలిని కంట్రోల్ చేయవచ్చు. పైగా మనకు ఎన్నో విలువైన పోషకాలు కూడా అదుతాయి. మరి ఆకలిని నియంత్రించే ఆ ఆహారాలు ఏమిటో ఇప్పుడు చూద్దాం.
* బీన్స్, పచ్చి బఠానీలు, శనగలు, తృణ ధాన్యాలను తినడం వల్ల కడుపు నిండిన భావన కలుగుతుంది. అలాగే ఎక్కువ సమయం తినకున్నా.. ఆకలిగా ఉండదు. దీంతో అధికంగా ఆహారం తీసుకోవడం మానేస్తారు.
* కోడిగుడ్లు, సోయా ఉత్పత్తులు, పెరుగు, పప్పు దినుసులు తదితర ప్రోటీన్లు ఎక్కువగా ఉండే ఆహారాలను తినడం వల్ల కూడా ఆకలి నియంత్రణలో ఉంటుంది. . * అవకాడో, ఆలివ్ ఆయిల్, కొబ్బరినూనెలను ఆహారంలో భాగం చేసుకుంటే కడుపు నిండిన భావన కలుగుతుంది.
* భోజనం చేసేముందు సూప్ తాగాలి. దీని వల్ల ఆహారం తక్కువగా తింటారు. ఫలితంగా శరీరంలో ఎక్కువ క్యాలరీలు చేరకుండా, కొవ్వు పెరగకుండా చూసుకోవచ్చు.
* భోజనానికి ముందు అల్లం రసం తాగడం, డార్క్ చాక్లెట్ తినడం లేదా కాఫీ తాగడం, తక్కువ ఆహారాన్ని ఎక్కువ సేపు తినడం చేసినా ఆకలి నియంత్రణలో ఉంటుంది.