Love Birds Gift: లవ్ బర్డ్స్ బహుమతి ఇస్తే చాలు.. ప్రేమ బంధం మరింత బలంగా మారుతుంది!

వాస్తు శాస్త్రం ప్రకారం కొన్ని వస్తువులు ప్రేమ జీవితంలో సంతోషం, అన్యోన్యతను పెంచుతాయి. అలాంటి వాటిలో లవ్ బర్డ్స్ (ప్రేమ పక్షులు) ప్రత్యేక స్థానం కలిగి ఉంటాయి. మీకు ఇష్టమైన వ్యక్తికి లవ్ బర్డ్స్‌ను బహుమతిగా ఇవ్వడం వల్ల ప్రేమ బంధం మరింత బలపడుతుందని నిపుణులు చెబుతున్నారు.

ప్రేమ పక్షులను ఇంట్లో ఉంచడం లేదా చిత్రాల రూపంలో అలంకరణగా పెట్టడం వల్ల భాగస్వాముల మధ్య అనుబంధం పెరుగుతుంది. సంబంధాల్లో ఉన్న దూరం తగ్గి, ప్రేమ మరింత చిగురిస్తుంది.

లవ్ బర్డ్స్ మ్యాజిక్ ఇదే..

మీ గర్ల్‌ఫ్రెండ్ లేదా బాయ్‌ఫ్రెండ్ మీపై శ్రద్ధ చూపకపోతే ఈ చిన్న పరిహారం పాటించండి.

శుక్రవారం నాడు మీ భాగస్వామికి లవ్ బర్డ్స్‌ను బహుమతిగా ఇవ్వండి. వాటితో పాటు సువాసన గల ఓ మంచి పర్ఫ్యూమ్‌ను కూడా గిఫ్ట్ చేస్తే మరింత మంచి ఫలితం కనిపిస్తుంది. ఇలా చేయడం వల్ల మీపై వారి శ్రద్ధ పెరిగి, మీ ఇద్దరి మధ్య ప్రేమ మరింత బలపడుతుంది.

త్వరగా పెళ్లి కావాలంటే..

రిలేషన్‌షిప్‌లో ఉన్నప్పటికీ పెళ్లి విషయంలో ఆటంకాలు ఎదురవుతున్నట్లయితే ఈ వాస్తు పరిహారం పాటించండి.

మీ పడకగదిలో దక్షిణ లేదా పశ్చిమ దిశలో లవ్ బర్డ్స్ చిత్రాలను పెట్టండి. ఇలా చేయడం వల్ల వివాహానికి అడ్డంకులు తొలగి, త్వరలో శుభకార్యానికి దారులు తెరుచుకుంటాయి. వైవాహిక జీవితం కూడా మరింత మధురంగా మారుతుంది.

వాస్తు దోషాలు దూరమవుతాయి..

ఇంట్లో వాస్తు దోషాల వల్ల ఇబ్బందులు ఎదురవుతున్నట్లయితే లవ్ బర్డ్స్ మంచి పరిష్కారం.

వాస్తు ప్రకారం ఇంటి నైరుతి దిశలో జంట లవ్ బర్డ్స్‌ను ఉంచడం లేదా గోడపై చిత్రించడం వల్ల ఆర్థిక సమస్యలు తగ్గుతాయి. ఇంట్లో సానుకూల శక్తి పెరిగి, వాస్తు దోషాలు దూరమవుతాయి.

అయితే పక్షులు బోనులో బంధించినట్లున్న చిత్రాలను మాత్రం ఇంట్లో ఉంచకూడదు. అవి శుభ సూచకాలు కావు.

లవ్ బర్డ్స్ వల్ల లభించే ప్రయోజనాలు

భార్యాభర్తల మధ్య ప్రేమ, అనుబంధం పెరుగుతుంది

కుటుంబంలో సంతోషం, శాంతి నెలకొంటాయి

పిల్లల వివాహ సమస్యలు తొలగుతాయి

పడకగదిలో లవ్ బర్డ్స్ ఉంచడం వల్ల ఆనందం, శ్రేయస్సు పెరుగుతుంది

కుటుంబ సభ్యుల మధ్య పరస్పర ప్రేమాభిమానాలు పెరుగుతాయి

చిన్న అలంకరణే అయినా, లవ్ బర్డ్స్ మీ ప్రేమ జీవితంలో పెద్ద మార్పు తీసుకురాగలవు. ప్రేమను పెంచుకోవాలనుకునేవారికి ఇది చక్కటి వాస్తు పరిహారం!