23 భాషల్లో 'పీఎం నరేంద్ర మోదీ' ఫస్ట్‌ లుక్‌
భారత ప్రధాని నరేంద్ర మోదీ జీవితాధారంగా బాలీవుడ్‌లో తెరకెక్కుతున్న బయోపిక్‌కు 'పీఎం నరేంద్రమోదీ' అనే టైటిల్‌ను ఖరారు చేశారు.
భారత ప్రధాని నరేంద్ర మోదీ జీవితాధారంగా బాలీవుడ్‌లో తెరకెక్కుతున్న బయోపిక్‌కు 'పీఎం నరేంద్రమోదీ' అనే టైటిల్‌ను ఖరారు చేశారు. ఇందులో రీల్‌ లైఫ్‌ మోదీ పాత్రలో బాలీవుడ్‌ నటుడు వివేక్‌ ఒబెరాయ్ నటిస్తున్నారు. ఈ చిత్రానికి ఒమంగ్‌ కుమార్‌ దర్శకత్వం వహిస్తున్నారు. కాగా ఈ చిత్ర ఫస్ట్‌లుక్‌ను ఈరోజు విడుదల చేశారు. లుక్‌లో వివేక్‌ మోదీ గెటప్‌లో, ఆయన మేనరిజంతో ఆకట్టుకుంటున్నారు.
15 నుంచి సినిమా చిత్రీకరణ ప్రారంభం కానుంది. ఈ చిత్రాన్ని తెలుగు, తమిళం, హిందీ భాషలతో కలిపి దాదాపు 23 భాషల్లో విడుదల చేయనున్నారు. 23 భాషల్లో డిజైన్‌ చేసిన పోస్టర్‌ను మహారాష్ట్ర ముఖ్యమంత్రి దేవేంద్ర ఫడణవీస్‌ విడుదల చేశారు. వివేక్‌ తండ్రి సురేశ్‌ ఒబెరాయ్, సందీప్‌ సింగ్‌ సంయుక్తంగా ఈ చిత్రాన్ని నిర్మిస్తున్నారు. పోస్టర్‌పై 'దేశ భక్తే నా శక్తి' అన్న క్యాప్షన్‌ ఆసక్తికరంగా ఉంది. బయోపిక్‌కు సంబంధించిన పూర్తి వివరాలను చిత్రబృందం త్వరలో ప్రకటించనుంది.