టెన్షన్‌ను అధిగమించేందుకు జిమ్‌ చేస్తూ ఉల్లాసంగా గడుపుతున్నారు మాజీ మంత్రి కోమటిరెడ్డి వెంకటరెడ్డి. ప్రజాస్వామ్యంలో గెలుపు, ఓటములు సహజమేనని, 20ఏళ్లుగా ఎమ్మెల్యేగా తనను ఎన్నుకున్న ప్రజలు ఈ సారి మార్పు కోరుకున్నారని చెప్పారు. తాను రోజు వారి లాగే దినచర్యను కొనసాగిస్తున్నానన్నారు. తెలంగాణ ఎన్నికల ఫలితాలపై ఇవాళ నల్లగొండలోని తన నివాసంలో ఆయన మీడియాతో మాట్లాడనున్నారు. మరోవైపు అధిష్టానం ముందు పట్టుబట్టి సాధించుకున్న మునుగోడు, నకిరేకల్ సీట్లలో ఆయన తమ్ముడు రాజగోపాల్‌ రెడ్డి, ప్రధాన అనచరుడు చిరుమర్తి లింగయ్యలు గెలుపొందారు.