తెలంగాణలో సంస్థాగతంగా బలంగా లేమని చెబుతూ ఎన్నికలకు దూరంగా ఉంది జనసేన పార్టీ. అయితే పొత్తులు, అభిమానుల ఒత్తిడి దృష్ట్యా ఈనెల 5వ తేదీన కీలక ప్రకటన చేస్తానని జనసేన అధ్యక్షుడు పవన్ కళ్యాణ్ వెల్లడించారు. ఈ క్రమంలో పవన్ ఏం నిర్ణయం వెల్లడిస్తారా అని జనసేన కార్యకర్తలు ఆసక్తితో ఎదురుచూస్తున్నారు. గతంలో సీఎం కేసీఆర్ ను కలిసిన పవన్ కళ్యాణ్ అప్పట్లో టీఆరెస్ కు మద్దతుగా మాట్లాడారు. దాంతో ఈ ఎన్నికల్లో టీఆరెస్ కు మద్దతు ఇవ్వాలని పవన్ అనుకుంటున్నారని ఇతర పార్టీల నేతలు చర్చించుకుంటున్నారు. మరోవైపు కూటమిని వ్యతిరేకించి ఎవరికైనా ఓటు వేయండి అని చెప్పే అవకాశమున్నట్టు రాజకీయ విశ్లేషకులు అభిప్రాయపడుతున్నారు.