తెలంగాణ ఆపద్ధర్మ ముఖ్యమంత్రి కేసీఆర్‌పై చర్యలు తీసుకోవాలని బీజేపీ అగ్రనేత నల్లు ఇంద్రసేనా రెడ్డి ఎన్నికల అధికారులను కలిసి ఫిర్యాదు చేశారు. ఎన్నికల నియమావళికి విరుద్ధంగా ఆపద్ధర్మ ముఖ్యమంత్రి కేసీఆర్‌... తాము గెలవబోతున్నామని ఎలా చెప్పారని బీజేపీ సీనియర్ నేత నల్లు ఇంద్రసేనారెడ్డి ప్రశ్నించారు. సిద్ధిపేట జిల్లా చింతమడకలో ఓటు వినియోగించున్న తర్వాత... మీడియాతో మాట్లాడుతూ సీఎం హోదాలో తెరాస అధికారంలోకి రాబోతుందని పొరపాటున కాకుండా కావాలనే ఓటర్లను ప్రభావితం చేసేలా చెప్పడం పట్ల ఆయన తీవ్ర అభ్యంతరం వ్యక్తం చేశారు. తక్షణమే సీఎంపై ఈసీ చర్యలు తీసుకోవాలని డిమాండ్ చేశారు.