Sravana Masam 2025: శ్రావణ మాసంలో పూజల మహత్తు – అదృష్టం, ఐశ్వర్యం మీవే!

శ్రావణ మాసం హిందూ సంప్రదాయంలో అత్యంత పవిత్రమైనది. ఈ మాసంలో శివుడు, పార్వతీదేవి, విష్ణువు, లక్ష్మీదేవి పూజలకు ప్రత్యేక ప్రాముఖ్యత ఉంటుంది. శ్రద్ధతో చేసిన పూజలు, వ్రతాలు ఆరోగ్యం, ఐశ్వర్యం, సంతానం, సౌభాగ్యం వంటి అనేక వరాలు ప్రసాదిస్తాయని నమ్మకం.

శ్రావణ సోమవారాలు – శివపూజ

పూజ విధానం:

ఉదయం స్నానం చేసి శివలింగానికి పాలు, పెరుగు, తేనె, నెయ్యి, పంచదార, విభూదితో అభిషేకం చేయాలి.

బిల్వపత్రాలు, జిల్లేడు పూలు, మారేడు దళాలతో శివుడిని అలంకరించాలి.

శివ స్తోత్రాలు పఠించి నైవేద్యం సమర్పించాలి.

ఫలితం: ఆరోగ్యం, సంపద లభిస్తాయి. పెళ్లికాని యువతులకు మంచి వరుడు లభిస్తాడని విశ్వాసం.

శ్రావణ మంగళవారాలు – మంగళ గౌరీ వ్రతం

పూజ విధానం:

గౌరీదేవిని ప్రతిష్ఠించి పసుపు గణపతి, నవగ్రహాలను పూజించాలి.

16 దారపు పోగులతో 16 ముడులు వేసి, శనగపిండితో దీపాలు వెలిగించి 16 రకాల వంటలతో పూజ చేయాలి.

ఫలితం: భర్తకు దీర్ఘాయుష్షు, కుటుంబ సౌఖ్యం, పిల్లలకు శ్రేయస్సు లభిస్తాయని నమ్మకం.

శ్రావణ శుక్రవారాలు – వరలక్ష్మీ వ్రతం

పూజ విధానం:

లక్ష్మీదేవిని పూలు, పండ్లతో అలంకరించి, అష్టలక్ష్మీ అష్టోత్తర శతనామావళిని పఠించాలి.

రకరకాల నైవేద్యాలు సమర్పించాలి.

ఫలితం: అష్ట ఐశ్వర్యాలు, ధన ధాన్య వృద్ధి, కుటుంబ సుఖ శాంతులు వెల్లివిరుస్తాయి.

శ్రావణ పూర్ణిమ – రాఖీ పౌర్ణమి / జంధ్యాల పౌర్ణమి

ఈ రోజున రక్షా బంధన్ పండుగను జరుపుకుంటారు. అన్నదమ్ములు, అక్కాచెల్లెళ్ల బంధానికి ఇది ప్రతీక. బ్రాహ్మణులు ఈ రోజే జంధ్యాలను మార్చుకుంటారు.

శ్రావణ మాసంలో భక్తి, విశ్వాసంతో పూజలు చేస్తే అదృష్టం మీ వెంట నడుస్తుంది.