మొంథా తుఫాన్ ప్రభావం.. నీటమునిగిన చోడవరంలోని స్వయంభూ విఘ్నేశ్వరుడు

మొంథా తుఫాన్‌ కారణంగా అనకాపల్లి జిల్లా చోడవరంలో స్వయంభూ విగ్నేశ్వర స్వామి నీట మునిగాడు. రాష్ట్రంలో కాణిపాకంలో వరసిద్ధి వినాయకుడు స్వయంగా వెలిసిన దేవుడు కాగా.. ఆ తర్వాత స్వయంభూగా వెలిసిన విఘ్నేశ్వర స్వామి.. చోడవరంలో ఉన్నట్లు అర్చకులు తెలిపారు. బావిలో ఉన్న గ‌ణ‌ప‌య్య విగ్రహం నానాటికీ పెరిగిపోతోంద‌ని చెబుతున్నారు. సుమారు 90ఏళ్ల క్రితం ముప్పావు కేజీ వెండితో స్వామికి కిరీటం చేయించగా.. ఇప్పుడు ఆ కిరీటం పెంచుతూ రెండు కేజీలతో చేయించాల్సి వచ్చిందన్నారు. ఎంటువంటి కార్యాలైన స్వామిని దర్శించుకుని వెళ్తే శుభం జరుగుతుందని భక్తులు నమ్ముతున్నారు. తుఫాన్ వలన గణపతి గర్భగుడి నీటిలో మునిగిపోవడంతో.. జల గణపతిగా భక్తులకు దర్శనమిస్తున్నారు.