Telangana: రేషన్‌ డీలర్ల కమీషన్‌ రెండింతలు పెంపు

Telangana: రేషన్ డీలర్లకు తీపి కబురు అందించింది తెలంగాణ ప్రభుత్వం. డీలర్ల కమిషన్‌ను రెండింతలు పెంచింది. ఈ మేరకు విడుదల చేసిన జీవోను జేఏసీ ప్రతినిధులకు అందజేశారు మంత్రి గంగుల కమలాకర్. ప్రస్తుతం టన్నుకు 700 రూపాయల కమిషన్ ఉండగా.. 14 వందల రూపాయలకు పెంచింది ప్ర‎భుత్వం. పెంపుతో ఏటా 303 కోట్ల రూపాయల భారంలో 245 కోట్లు రాష్ట్రం భరిస్తుందని తెలిపారు మంత్రి గంగుల. ప్రభుత్వ నిర్ణయంపై సంతోషం వ్యక్తం చేస్తూ ప్రభుత్వానికి, సీఎం కేసీఆర్ కు ధన్యవాదాలు తెలిపారు రేషన్ డీలర్లు.