Telangana: నేడు తెలంగాణ కేబినెట్‌ భేటీ

Telangana: సీఎం కేసీఆర్ అధ్యక్షతన ఇవాళ తెలంగాణ కేబినెట్ సమావేశం జరగనుంది. కొత్తగా నిర్మించిన తెలంగాణ సచివాలయంలో తొలిసారి కేబినెట్ సమావేశం జరగనుంది. మధ్యాహ్నం 3 గంటలకు మంత్రివర్గ సమావేశం ప్రారంభం కానుంది. మంత్రులతో పాటు పలువురు ఉన్నతాధికారులు ఈ సమావేశానికి హాజరుకానున్నారు. కేబినెట్ సమావేశంలో కీలక నిర్ణయాలు తీసుకునే అవకాశం ఉంది.

పోడు భూముల పట్టాల పంపిణీతో పాటు, తెలంగాణ రాష్ట్ర అవతరణ దినోత్సవ వేడుకలపై, మంత్రివర్గ సమావేశంలో చర్చించనున్నారు. అంతేకాకుండా అమరవీరుల స్మృతివనం ప్రారంభించే తేదీని ఖరారు చేయనున్నారు. గవర్నర్ కోటా ఎమ్మెల్సీపై కూడా కేబినెట్‌‌లో నిర్ణయం తీసుకోనున్నారు. ఇప్పటికే పలువురు పేర్లను సీఎం కేసీఆర్ పరిశీలిస్తున్న నేపథ్యంలో దీనిపై కూడా ప్రకటన వచ్చే అవకాశం ఉంది.