తెలంగాణ అసెంబ్లీ నిరవధిక వాయిదా

తెలంగాణ శాసన సభ నిరవధిక వాయిదా పడింది. తెలంగాణ బడ్జెట్ సమావేశాలు ముగిసాయి. మొత్తం ఆరు రోజుల పాటు 48 గంటల 41 నిమిషాలపాటు సమావేశాలు జరిగాయి. సభలో 6 బిల్లులు పాస్ కాగా రెండు తీర్మానాలు చేశారు. రెండు షార్ట్‌ చర్చలు జరిగాయి. అయితే షెడ్యూల్‌ ప్రకారం ఈ నెల 20వ తేదీ వరకు అసెంబ్లీ సమావేశాలు జరగాల్సి ఉండే. కానీ కరోనా వైరస్‌ వ్యాప్తి చెందుతున్న క్రమంలో ముందుగానే సమావేశాలను ముగించారు. కరోనానను కట్టడి చర్యల్లో భాగంగా ఈ నెల 31 వరకు విద్యాసంస్థలు, సినిమా హాళ్లు, పబ్బులను మూసివేయాలని ప్రభుత్వం ఆదేశించిన విషయం తెలిసిందే.