Telangana Assembly: తెలంగాణ అసెంబ్లీ నుంచి బీజేపీ ఎమ్మెల్యేల సస్పెన్షన్

Telangana Assembly: తెలంగాణ అసెంబ్లీ సమావేశాల్లో తొలిరోజే గందరగోళం చోటు చేసుకుంది. తెలంగాణ ప్రభుత్వాన్ని నిలదీస్తామని చెప్పిన బీజేపీ ఎమ్మెల్యేలు ఈటల రాజేందర్, రాజాసింగ్, రఘునందన్‌రావు అసెంబ్లీలో నినాదాలు చేశారు. దీంతో సమావేశాలకు అడ్డుతగులుతున్నారంటూ ఆ ముగ్గురు సభ్యులపై స్పీకర్ సస్పెన్షన్ వేటు వేశారు. ఈ సెషన్ పూర్తయ్యే వరకు సస్పెన్షన్ కొనసాగుతుందని స్పష్టం చేశారు. ప్రభుత్వ తీరుపై ఈటల రాజేందర్, రాజాసింగ్, రఘునందన్‌రావు మండిపడ్డారు. ప్రశ్నించే గొంతులను అణిచివేయలేరని చెప్పారు. తమను ఎంతగా అణిచివేయాలనుకున్నా ప్రశ్నించి తీరుతామన్నారు.