VC Sajjanar: అర‌చేతిలో వైకుంఠం చూపించ‌డం అంటే ఇదే..!

VC Sajjanar: ఆన్‌లైన్ బెట్టింగ్ కూపంలో పడొద్దని యువకులకు తన ఎక్స్ ఖాతాలో ఆర్టీసీ ఎండీ సజ్జనార్ హెచ్చరించారు. అర‌చేతిలో వైకుంఠం చూపించ‌డమంటే బహుశా ఇదే కాబోలు... అంటూ ఓ వీడియో అటాచ్ చేస్తూ పోస్ట్ చేశారు సజ్జనార్... ట‌క్కుట‌మార మాట‌లతో అమాయ‌కుల‌ను ఆన్‌లైన్ బెట్టింగ్ కూపంలోకి లాగుతున్నారని ఆయన అన్నారు.

ఈజీగా మ‌నీ సంపాదించాల‌నే ఆశ‌తో ఇలాంటి సంఘ విద్రోహశ‌క్తుల మాయ‌మాటల్లో ప‌డొద్దని సూచించారు సజ్జనార్... బంగారు జీవితాల‌ను నాశ‌నం చేసుకోకండంటూ పిలుపునిచ్చారు. జీవితంలో ఉన్నతంగా ఎద‌గ‌డానికి షార్ట్ క‌ట్స్ ఉండ‌వని, మీ క‌ష్టాన్ని న‌మ్ముకోండి విజ‌యం దానంత‌ట అదే మీ ద‌రికి చేరుతుందంటూ సజ్జనార్ పోస్ట్ చేశారు.