నల్లగొండ జిల్లాలో ఘోర రోడ్డు ప్రమాదం

నల్లగొండ జిల్లా చిట్యాల మండల కేంద్రంలో గురువారం ఘోర రోడ్డు ప్రమాదం జరిగింది. ఖమ్మం నుండి హైదరాబాద్ కి వెళ్తున్న కొత్తగూడెం డిపోకు చెందిన సూపర్ లగ్జరీ బస్సు, టీవీఎస్ వాహనాన్ని కొట్టింది. ఈ ప్రమాదంలో ముగ్గురు మృతిచెందారు. బైక్ పై ఉన్న ముగ్గురిలో ఇద్దరు ఘటనాస్థలంలోనే మృతి చెందగా మరొకరు ఆస్పత్రిలో చికిత్స పొందుతూ మృతి చెందారు.

చిట్యాలలో బంధువుల పెళ్లికి వస్తుండగా ఈ ప్రమాదం జరిగిందని తెలుస్తోంది. రెండు నిమిషాల్లో ఫంక్షన్ హాల్‌కు చేరుకునే లోపు ఈ దుర్ఘటన చోటు చేసుకుంది. మృతులు చౌటుప్పల్ మండలం దండు మల్కాపూర్‌కు చెందిన వారుగా గుర్తించారు. సమాచారం అందిన వెంటనే పోలీసులు అక్కడకు చేరుకుని కేసు నమోదు చేసి దర్యాప్తు చేపట్టారు.