Raja Singh: అసదుద్దీన్‌ ఒవైసీకి ఎమ్మెల్యే రాజాసింగ్‌ సవాల్‌.. నువ్వు వచ్చినా సరే మీ తమ్ముడు వచ్చినా సరే..

Raja Singh: MIM ఎంపీ అసదుద్దీన్ ఒవైసీకి ఎమ్మెల్యే రాజాసింగ్ సవాల్ విసిరారు. రాహుల్ హైదరాబాద్ నుంచి పోటీ చేయడం కాదు... దమ్ముంటే గోషామహల్ నుంచి అసద్ పోటీ చేయాలని డిమాండ్ చేశారు. అసద్ లేదా అక్బర్ ఎవరూ వచ్చినా డిపాజిట్ కూడా రాదన్నారు. కాంగ్రెస్‌ పెంచి పోషిస్తేనే అసద్ ఈ పొజిషన్‌లో ఉన్నారని తెలిపారు. పాముకు పాలుపోసినట్లు అసద్‌ను కాంగ్రెస్ పెంచి పోషించిందన్నారు. మీ తాత ముత్తాల నుంచి ముస్లింలను మోసం చేస్తున్నారని... పాతబస్తీలో ముస్లింలు ఇంకా పేదరికంలో ఉన్నారని అన్నారు రాజాసింగ్.