మానసిక వికలాంగురాలిపై యువకుడి అత్యాచారం

మహబూబాబాద్ జిల్లా బయ్యారం మండలం వెంకట్రాంపురం గ్రామంలో దారుణం చోటు చేసుకుంది. ఓ మానసిక వికలాంగురాలిపై ఇస్లావత్‌ రవి అనే యువకుడు అత్యాచారం చేశాడు. నిన్న రాత్రి ఇంటిముందు ఆరుబయట తల్లీ కూతుళ్లు నిద్రిస్తుండగా బాధితురాలిని ఎత్తుకెళ్లిన ఘాతుకానికి ఒడిగట్టాడు. తన పక్కన కూతురు లేకపోవడంతో వెతికిన తల్లికి ఆరుబయట వివస్త్రగా కనిపించింది. విషయాన్ని గ్రహించిన బంధువులు.. రవిని పట్టుకుని దేహశుద్ది చేసి పోలీసులకు అప్పగించారు. బాధితురాలు, ఆమె తల్లి ఫిర్యాదు మేరకు పోలీసులు అత్యాచారం కేసు నమోదు చేసి దర్యాప్తు చేపట్టారు.