Telangana Agriculture Schemes: తెలంగాణ వ్యవసాయ పథకాలపై కేంద్రం ప్రశంసలు..

Telangana Agriculture Schemes:కేంద్ర వ్యవసాయ మంత్రిత్వ శాఖ తెలంగాణ రాష్ట్ర ప్రభుత్వం చేస్తున్న వినూత్న వ్యవసాయ పథకాలైన రైతు బంధు, రైతు సమన్వయ సమితుల ఏర్పాటును ప్రశంసించింది. రాష్ట్రంలో అమలులో ఉన్న రైతు బంధు వంటి అనేక పథకాలను కేంద్రం ప్రసంసించింది. కేంద్ర వ్యవసాయ మంత్రి నరేంద్ర సింగ్ తోమర్ గురువారం రాష్ట్రాల నుండి పలువురు ముఖ్యమంత్రులు, వ్యవసాయ మంత్రులతో వీడియో కాన్ఫరెన్స్ నిర్వహించారు. కేంద్రం ప్రతిపాదించిన వ్యవసాయ మౌలిక సదుపాయాల నిధి పథకంపై ఆయన రాష్ట్ర ప్రభుత్వాల నుండి అభిప్రాయం కోరింది. ఈ నేపథ్యంలో కేంద్ర వ్యవసాయ కార్యదర్శి సంజయ్ అగర్వాల్ దేశంలో వ్యవసాయ రంగంలో జరుగుతున్న వివిధ పరిణామాలపై మాట్లాడారు. తన పవర్ పాయింట్ ప్రెజెంటేషన్‌లో, తెలంగాణ రాష్ట్రంలోని రైతు బంధు పథకం, రైతు సమన్వయ కమిటీల గురించి ఆయన ప్రత్యేకమైన సూచన చేశారు.

రైతు బంధు పథకం రైతులకు ఎంతో మేలు చేస్తుందని, తెలంగాణ రాష్ట్రంలో విజయవంతంగా అమలు చేస్తున్న అనేక కార్యక్రమాలు, పథకాలను ప్రసంసిస్తున్నామని అగర్వాల్ అన్నారు. తెలంగాణ రాష్ట్ర ప్రభుత్వం స్వయంగా రైతు బంధు సమితులను ప్రారంభించిందని, దీని ఫలితంగా రాష్ట్రంలో ప్రభుత్వం రైతులకు పెద్ద పీత వేస్తుందనిఆయన వివరించారు. అంతే కాదు, వ్యవసాయ మౌలిక సదుపాయాల నిధి వంటి పథకాలను విజయవంతంగా, సమర్థవంతంగా అమలు చేయవచ్చని ఆయన పేర్కొన్నారు.

ముఖ్యమంత్రి కె. చంద్రశేఖర్ రావు నాబార్డ్ ఛైర్మన్‌తో సమావేశం నిర్వహించినందున, ఆయన తరపున వ్యవసాయ మంత్రి ఎస్ నిరంజన్ రెడ్డి ఈ కార్యక్రమంలో పాల్గొన్నారు. మంత్రి తెలంగాణ రాష్ట్రం తరఫున పలు సూచనలు చేశారు. వ్యవసాయ మౌలిక సదుపాయాల నిధి పథకాన్ని తెలంగాణ రాష్ట్ర ప్రభుత్వం స్వాగతించింది. ఇటువంటి పథకం వ్యవసాయ రంగాన్ని అభివృద్ధి చేయడానికి, ఈ రంగానికి ఎక్కువ పెట్టుబడులు పెట్టడానికి సహాయపడుతుందని మేము ఆశిస్తున్నాము. రుణాలపై విధించే వడ్డీలో 3 శాతం కేంద్రం భరించాలని మంత్రి నిరంజన్ రెడ్డి ప్రతిపాదించారు. అయితే, వ్యవసాయ రంగంలో పెట్టుబడులపై వడ్డీ వసూలు చేయకపోతే మంచిది. వడ్డీ లేని రుణాలు ఇస్తే, ఈ రంగంలోకి ఎక్కువ పెట్టుబడులు రావచ్చు అని నిరంజన్ రెడ్డి సూచించారు. ఈ సమావేశంలో రైతు బంధు రాష్ట్ర అధ్యక్షుడు పల్లా రాజేశ్వర్ రెడ్డి, వ్యవసాయ ప్రధాన కార్యదర్శి జనార్థన్ రెడ్డి కూడా పాల్గొన్నారు.