ఆస్తులు పంచుకొని.. అమ్మను 'అనాధ'ను చేసారు

ఎలాంటి స్వార్ధం లేని ప్రేమ కేవలం అమ్మానాన్నల దగ్గర మాత్రమే దొరుకుతుందని అంటారు. ఇక అందులో అమ్మ చూపించే ప్రేమకి మనం ఎంత చేసిన తక్కువే అని చెప్పాలి. కానీ ఓ అమ్మను కంటికి రెప్పలాగా చూసుకోకున్నా ఓ మనిషిలాగా చూడకుండా నాలుగు రోజుల నుండి బయటనే ఉంచారు కొడుకులు ... ఈ సంఘటన యాదాద్రి భువనగిరి జిల్లా మోటకొండూర్‌ మండలం ముత్తిరెడ్డిగూడెంలో చోటు చేసుకుంది . ఈ గ్రామానికి చెందినా అనంతుల లక్ష్మమ్మ (80)కు ఆరుగురు సంతానం అందులో ముగ్గురు కుమారులు,కుమార్తెలు...

లక్ష్మమ్మ భర్త పదేళ్ళ కింద చనిపోయాడు. దాని తర్వాత తన 70 ఎకరాల భూమిలో కేవలం ఆరు ఎకరాలు ఉంచుకొని మిగతాది తన పిల్లలకి పంచింది . అ తర్వాత లక్ష్మమ్మని ఒక్కొ కొడుకు ఒక్కో నెల పోషించేలా ఓ ఒప్పందం కుదుర్చుకున్నారు . కానీ లక్ష్మమ్మ మాత్రం నాలుగు రోజుల నుండి ఓ చెట్టు కిందనే నివాసం ఉంటుంది . దీనిపైన గ్రామస్తులు ప్రశ్నించగా తన రెండో కొడులు ఇంటి నుండి గెంటేసిందిగా చెప్పుకొచ్చింది .