Peddapalli: పెద్దపల్లి జిల్లా దుబ్బపల్లి చెక్‌పోస్టు దగ్గర వ్యక్తి హల్‌చల్‌

Peddapalli: పెద్దపల్లి జిల్లా దుబ్బపల్లి చెక్‌పోస్టు దగ్గర ఓ వ్యక్తి హల్‌చల్‌ చేశాడు. ఉదయం 10 గంటల తర్వాత రోడ్డుపైకి రావడంతో తన కారును అడ్డుకున్నారు పోలీసులు. దీంతో ఆగ్రహానికి గురైన అంజిరెడ్డి.. నా కారును ఆపుతారా అంటూ పోలీసులతో గొడవకు దిగాడు. తాను పెద్దపల్లి ఎమ్మెల్యే దాసరి మనోహర్‌రెడ్డి తమ్ముడునని, పెళ్లికి వెళ్తున్నానంటూ చెప్పుకొచ్చాడు. పోలీసులు.. ఈ పాస్‌ చూపించాలని కోరగా.. అదేంటో నాకు తెలియదని సమాధానమిచ్చాడు. దీంతో పోలీసులు అతడిని అడ్డుకొన్నారు. తానొక రైతునని, వెళ్లనివ్వాలంటూ గొడవకు దిగాడు అంజిరెడ్డి.