Vivo V50 Elite Edition: వివో కిర్రాక్ స్మార్ట్‌ఫోన్‌.. లాంచ్‌ కాకముందే ఫీచర్లు లీక్.. ఎలా ఉందంటే..?

Vivo V50 Elite Edition: వివో ఫిబ్రవరిలో V50ని స్నాప్‌డ్రాగన్ 7 జెన్ 3 ప్రాసెసర్‌తో విడుదల చేసింది. ఇప్పుడు కంపెనీ వి50 సిరీస్‌లో వివో వి50 ఎలైట్ ఎడిషన్‌ను త్వరలో తీసుకురావడానికి కంపెనీ సన్నాహాలు చేస్తున్నట్లు సమాచారం. అయితే, చైనీస్ స్మార్ట్‌ఫోన్ బ్రాండ్ కొత్త ఎలైట్ వేరియంట్‌ను అధికారికంగా ధృవీకరించలేదు. కానీ, ఒక కొత్త నివేదిక దాని ప్రారంభ తేదీని వెల్లడించింది. వివో V50 ఎలైట్ ఎడిషన్ స్టాండర్డ్ వివో V50 మోడల్ కంటే భిన్నమైన డిజైన్‌ను కలిగి ఉంటుంది. స్నాప్‌డ్రాగన్ 7 జెన్ 3 ప్రాసెసర్, 6.77-అంగుళాల అమోలెడ్ డిస్‌ప్లే, 50-మెగాపిక్సెల్ డ్యూయల్ రియర్ కెమెరా యూనిట్‌తో వంటి ఫీచర్లు ఉంటాయని భావిస్తున్నారు.

Vivo V50 Elite Edition Launch Date

వివో V50 ఎలైట్ ఎడిషన్ మే 15న భారతదేశంలో ప్రారంభమవుతుందని ఇండస్ట్రీ వర్గాలు చెబుతున్నాయి. కొత్త ఎలైట్ వేరియంట్ డిజైన్ పరంగా భిన్నంగా ఉంటుంది, హార్డ్‌వేర్, స్పెసిఫికేషన్లు స్టాండర్డ్ వివో V50 మాదిరిగానే ఉంటాయి.

Vivo V50 Elite Edition Specifications

లీక్స్ ప్రకారం.. వివో V50 ఎలైట్ ఎడిషన్ 6.77-అంగుళాల పూర్తి-HD+ (1,080×2,392 పిక్సెల్స్) క్వాడ్-కర్వ్డ్ అమోలెడ్ డిస్‌ప్లేను కలిగి ఉంటుందని భావిస్తున్నారు. ఇందులో స్నాప్‌డ్రాగన్ 7 జెన్ 3 ప్రాసెసర్, 12GB వరకు LPDDR4X ర్యామ్, 512జీబీ వరకు UFS 2.2 ఆన్‌బోర్డ్ స్టోరేజ్‌ను కలిగి ఉంటుందని కూడా చెబుతున్నారు.

వివో వి50 మాదిరిగానే, రాబోయే వివో వి50 ఎలైట్ ఎడిషన్‌లో రెండు 50-మెగాపిక్సెల్ వెనుక సెన్సార్లు, 50-మెగాపిక్సెల్ సెల్ఫీ షూటర్ ఉండచ్చు. ఇది 6,000mAh బ్యాటరీతో 90W వైర్డు ఫాస్ట్ ఛార్జింగ్ సపోర్ట్‌ను కూడా పొందచ్చు. ఇందులో వివో ఆరా లైట్ ఫీచర్, అనేక AI-ఆధారిత ఫోటో ఎడిటింగ్ ఫీచర్లు ఉండవచ్చు.

Vivo V50 స్మార్ట్‌ఫోన్ 8GB RAM + 128GB స్టోరేజ్ వేరియంట్‌ను రూ. 34,999 ప్రారంభ ధరకు విడుదల చేసింది. అదే సమయంలో, 8GB + 256GB, 12GB + 512GB RAM స్టోరేజ్ వేరియంట్ల ధర వరుసగా రూ.36,999. రూ.40,999గా ఉంచారు.