Mukesh Ambani Free Offer: అంబానీ మావ దీపావళి గిఫ్ట్స్.. మరో ఫ్రీ ఆఫర్.. ఇది చాలా స్పెషల్..!

Mukesh Ambani Free Offer: ముకేశ్ అంబానీ తన రిలయన్స్ జియో కోసం మరో బంపర్ ఆఫర్ తీసుకొచ్చారు. ఇది ఖరీదైన స్మార్ట్‌ఫోన్‌లకు చెక్ పెట్టే అవకాశం ఉంది. స్మార్ట్‌ఫోన్ యూజర్లుగా ఫోన్‌లోని ఫోటోలు, వీడియోలు. డాక్యుమెంట్‌లకు ఎక్కువ స్టోరేజ్ అవసరమని మీకు కూడా తెలుసు. ఎంత ఎక్కువ స్టోరేజ్ ఉంటే ఫోన్ ధర అంత ఎక్కువగా ఉంటుంది. Jio ఇప్పుడు మొబైల్ ఫోన్ వినియోగదారులకు 100GB క్లౌడ్ స్టోరేజీని ఉచితంగా అందించనున్నట్లు ప్రకటించింది. కాబట్టి అటువంటి పరిస్థితిలో ఎక్కువ స్టోర్టేజ్ ఉన్న ఖరీదైన స్మార్ట్‌ఫోన్‌లను కొనుగోలు చేయవలసిన అవసరం ఉండదు.

రిలయన్స్ జియో తన వినియోగదారుల కోసం వెల్‌కమ్ ఆఫర్‌ను తీసుకొచ్చింది. కంపెనీ తన కస్టమర్లకు 100 GB వరకు ఉచిత క్లౌడ్ స్టోరేజ్‌ను అందిస్తుంది. ఈ జియో ఆఫర్ దీపావళికి రానుంది. ఫోటోలు, వీడియోలు, డాంక్యుమెంట్ల వరకు ఏదైనా ఈ స్టోరేజ్‌ చేయవచ్చు. రిలయన్స్ ఇండస్ట్రీస్ లిమిటెడ్ 47వ వార్షిక సమావేశంలో షేర్‌హోల్డర్లను ఉద్దేశించి మాట్లాడుతూ కంపెనీ ఛైర్మన్, మేనేజింగ్ డైరెక్టర్ ముఖేష్ అంబానీ ఈ సమాచారాన్ని అందించారు. Google, ఇతర కంపెనీలు కొంత GB ఉచితంగా ఇవ్వడం ద్వారా క్లౌడ్ నిల్వ కోసం వినియోగదారుల నుండి భారీ మొత్తాన్ని వసూలు చేస్తున్నాయని అన్నారు.

ఇది కాకుండా జియో బ్రెయిన్ కూడా త్వరలో ఆర్టిఫిషియల్ ఇంటెలిజెన్స్ ప్లాట్‌ఫామ్‌ను ప్రారంభించేందుకు సన్నాహాలు చేస్తోంది. ఇది కనెక్ట్ చేయబడిన ఇంటెలిజెన్స్, ప్రపంచ స్థాయి మౌలిక సదుపాయాలతో వస్తుంది. ‘ఏఐ ఎవ్రీవేర్ ఫర్ ఎవ్రీవన్’ అనే థీమ్‌పై కంపెనీ దీన్ని విడుదల చేయనుంది. Jio వాస్తవానికి AI మొత్తం కవర్ చేసే టూల్స్, ప్లాట్‌ఫామ్‌ల సమగ్ర సూట్‌ను అభివృద్ధి చేస్తోంది. దీనిని 'జియో బ్రెయిన్' అని పిలుస్తారు. రిలయన్స్‌లో జియో బ్రెయిన్‌ను మెరుగుపరచడం ద్వారా శక్తివంతమైన AI సేవల ప్లాట్‌ఫామ్‌ను సృష్టిస్తామని ముకేశ్ అంబానీ అన్నారు.

మేము జామ్‌నగర్‌లో గిగావాట్-స్కేల్ AI-రెడీ డేటా సెంటర్‌ను ఏర్పాటు చేయడానికి ప్లాన్ చేస్తున్నాము. ఇది పూర్తిగా రిలయన్స్ గ్రీన్ ఎనర్జీతో పనిచేస్తుంది. ప్రపంచంలోనే అత్యంత సరసమైన AI అనుమతులను భారతదేశంలో సృష్టించడం మా లక్ష్యం. ఇది భారతదేశంలో AI అప్లికేషన్‌లను సరసమైనదిగా అందరికీ అందుబాటులో ఉంచుతుంది. అలానే జియో ఛైర్మన్ ఆకాష్ అంబానీ అనేక కొత్త AI సేవలను ప్రకటించారు. ఇందులో Jio TVOS, Jio Home IoT సొల్యూషన్, HelloJio, JioHome App. Jio Phonecall AI ఉన్నాయి.