Motorola Edge 60 Launch Date: ఫిదా అవ్వాల్సిందే.. మోటో కొత్త స్మార్ట్‌ఫోన్ వస్తుంది.. లాంచ్ ఎప్పుడంటే..?

Motorola Edge 60 Launch Date: మోటరోలా మరోసారి భారత మార్కెట్లో సందడి చేయడానికి సిద్ధమవుతోంది. మోటరోలా కంపెనీ తన ఎడ్జ్ సిరీస్‌లో కొత్త స్మార్ట్‌ఫోన్ మోటరోలా ఎడ్జ్ 60ని విడుదల చేయడానికి సన్నాహాలు చేస్తోంది. బ్రాండ్ తన కొత్త స్మార్ట్‌ఫోన్ ఎడ్జ్ 60 జూన్ 10న భారతదేశంలో లాంచ్ అవుతుందని అధికారికంగా ధృవీకరించింది. ఈ ఫోన్‌ను ఏప్రిల్‌లో ప్రపంచవ్యాప్తంగా లాంచ్ అయిన ఎడ్జ్ 60 ప్రోతో పాటు పరిచయం చేశారు. భారతదేశానికి వస్తున్న వెర్షన్ కొన్ని మంచి అప్‌గ్రేడ్‌లతో వస్తుంది. ఇది మీడియాటెక్ డైమెన్సిటీ 7400 ప్రాసెసర్‌పై రన్ అవుతుంది, గ్లోబల్ మోడల్ డైమెన్సిటీ 7300ని ఉపయోగిస్తుంది. అలాగే, ఫోన్‌లో భారీ 5500mAh బ్యాటరీ ఉంటుంది. ఆ కంపెనీ చెప్పిన వివరాలను ఇప్పుడు చూద్దాం.

విడుదలైన టీజర్ పోస్టర్ ప్రకారం, మోటరోలా ఎడ్జ్ 60 భారతదేశంలో 12GB RAM + 256GB స్టోరేజ్ వేరియంట్‌లో మాత్రమే అమ్ముడవుతుంది. ఇది రెండు కలర్ ఎంపికలలో అందుబాటులో ఉంటుంది. ఇందులో జిబ్రాల్టర్ సీ, షామ్‌రాక్ రకాలు ఉన్నాయి. ఇది కాకుండా, లాంచ్ తర్వాత, ఇది ఫ్లిప్‌కార్ట్ మోటరోలా వెబ్‌సైట్,ఆఫ్‌లైన్ రిటైల్ స్టోర్‌లలో అమ్మకానికి అందుబాటులో ఉంటుంది.

మోటరోలా ఎడ్జ్ 60 ఫోన్ 6.67-అంగుళాల 1.5K (2712 x 1220 పిక్సెల్స్) pOLED డిస్‌ప్లేను 10-బిట్ కలర్, 120Hz రిఫ్రెష్ రేట్, 4500 నిట్స్ వరకు బ్రైట్‌నెస్, కార్నింగ్ గొరిల్లా గ్లాస్ 7i ప్రొటెక్షన్‌తో కలిగి ఉంది. ఇది మీడియాటెక్ డైమెన్సిటీ 7400 4ఎన్ఎమ్ ఆక్టా-కోర్ ప్రాసెసర్ (2.6GHz వరకు) Mali-G615 MC2 GPU తో పనిచేస్తుంది.

ఇది 12జీబీ ర్యామ్, 256జీబీ UFS 2.2 స్టోరేజ్‌తో వస్తుంది, దీనిని మైక్రో SD కార్డ్ ద్వారా 1TB వరకు విస్తరించవచ్చు. అసలు విషయం ఏమిటంటే, ఇది ఆండ్రాయిడ్ 15పై పనిచేస్తుంది. డ్యూయల్ సిమ్‌కు సపోర్ట్ ఇస్తుంది. మోటరోలా 3 సంవత్సరాల OS అప్‌డేట్లు, 4 సంవత్సరాల భద్రతా అప్‌డేట్లకు హామీ ఇస్తుంది.

ఈ ఫోన్ ట్రిపుల్ రియర్ కెమెరా సెటప్‌తో వస్తుంది. అందులో 50MP మెయిన్ కెమెరా (సోనీ లైటియా 700C సెన్సార్, f/1.8, OIS), 50MP అల్ట్రా-వైడ్ కెమెరా (f/2.0, మాక్రో సపోర్ట్), 30x సూపర్ జూమ్‌తో 10MP 3x టెలిఫోటో కెమెరా (f/2.0). ఇది 4K 30fps వరకు వీడియో రికార్డింగ్‌కు సపోర్ట్ ఇస్తుంది. ముందు భాగంలో, 4K 30fps వరకు వీడియోతో 50MP సెల్ఫీ కెమెరా ఉంది.

ఇతర ఫీచర్స్‌లో డాల్బీ అట్మాస్‌తో కూడిన స్టీరియో స్పీకర్లు, USB టైప్-C ఆడియో, IP68, IP69 వాటర్, డస్ట్ రెసిస్టెన్స్, మిలిటరీ-గ్రేడ్ మన్నిక (MIL-STD-810H), 5G, Wi-Fi 6E, బ్లూటూత్ 5.4, యూఎస్‌బి టైప్-C పోర్ట్ ఉన్నాయి. 5500mAh బ్యాటరీ 68W టర్బోపవర్ ఫాస్ట్ ఛార్జింగ్‌కు సపోర్ట్ ఇస్తుంది.