Sanaya: నమ్మకం, త్యాగం, సహనం, విజయం కలసిన జీవితం.. ఇది కరుణ్‌ నాయర్‌ ప్రేమ కథ!

Sanaya: ఐపీఎల్‌లో కరుణ్‌ నాయర్‌ తన సత్తా చూపించాడు. ముంబై ఇండియన్స్‌పై 40 బంతుల్లో 89 పరుగులు చేసి సూపర్‌ కమ్‌బ్యాక్‌ చేశాడు. ఇది 2022 తర్వాత అతని మొదటి IPL మ్యాచ్. ఈ ప్రదర్శనతో ఢిల్లీ క్యాపిటల్స్ అభిమానుల మనసులు గెలుచుకున్నాడు. అతడిని 2025 మెగా వేలంలో రూ. 50 లక్షలకు కొనుగోలు చేసింది ఢిల్లీ. అప్పటివరకు అతను విదర్భ తరఫున డొమెస్టిక్‌లో అద్భుతంగా ఆడుతూ వచ్చాడు.

అతడి వ్యక్తిగత జీవితం కూడా అంతే ప్రత్యేకం. సనాయా టంకరివాలా అనే మీడియా ప్రొఫెషనల్‌ను అతడు ఎన్నేళ్లనుండో ప్రేమించాడు. సనాయా ఒక పార్సీ కుటుంబానికి చెందినవారు, కానీ కరుణ్ కోసం తన కుటుంబ సంప్రదాయాలను వదిలి హిందూ మతం స్వీకరించారు. ఇది నిజమైన ప్రేమకు నిలువెత్తు నిదర్శనం. 2015లో వీరి ప్రేమ బహిర్గతమైంది. 2019లో గోవాలో కరుణ్ ఆమెను మ్యారేజ్ కోసం ప్రపోజ్ చేశాడు. ఆగస్ట్‌లో నిశ్చితార్థం చేసుకొని, 2020లో ఉదయపూర్‌లో ఘనంగా వివాహం చేసుకున్నారు. పెళ్లి కార్యక్రమం పార్సీ, మలయాళి సంప్రదాయాలతో జరిగింది. ఈ వేడుకకు అజింక్య రహానే, శ్రేయస్ అయ్యర్, చహల్, శార్దూల్ ఠాకూర్ వంటి క్రికెటర్లు కూడా హాజరయ్యారు. వీరికి ఇద్దరు పిల్లలు. కుమారుడు కయాన్, కుమార్తె సమారా ఉన్నారు. సనాయా సోషల్ మీడియాలో ఫ్యామిలీ ఫోటోలు షేర్ చేస్తూ, తన జీవితాన్ని అభిమానులతో పంచుకుంటూ ఉంటారు.

కరుణ్‌కు జీవితంలో కొన్ని కష్టసమయాల్లో కూడా సనాయా అండగా నిలిచింది. 2016లో ఇంగ్లాండ్‌పై ట్రిపుల్ సెంచరీ చేసినప్పటికీ, తర్వాత అవకాశాలు తగ్గిపోయాయి. అలాంటి సమయంలో ఆమె మద్దతే అతనికి ప్రేరణ ఇచ్చింది. మొత్తం చెప్పాలంటే ఆట, ప్రేమ - రెండింటినీ సమంగా దిద్దుకున్నవాడు కరుణ్ నాయర్. అతడి విజయం వెనుక ఉన్న అసలైన శక్తి సనాయా అనే భార్యే.