Kavya Maran: కావ్య మారన్‌కు డబుల్ జాక్‌పాట్ - ఒకే రోజు రెండు సంచలన విజయాలు!

Kavya Maran: 2025 ఫిబ్రవరి 5 కావ్య మారన్‌ జీవితంలో మర్చిపోలేని రోజుగా మారింది. ఎందుకంటే, ఈ రోజున ఒకటి కాదు రెండు శుభవార్తలు ఆమెకు అందాయి. ఒకవైపు తను ఇంగ్లాండ్ లీగ్ 'ది హండ్రెడ్'లో ఒక జట్టును కొనుగోలు చేయడానికి రూ. 1000 కోట్లు ఖర్చు పెట్టి దక్కించుకున్నారు. మరోవైపు, దక్షిణాఫ్రికా T20 లీగ్‌లో ఇబ్బంది పడుతున్న తన జట్టు ఫైనల్‌కు చేరుకునే అవకాశం దక్కించుకుంది. ఫిబ్రవరి 5న జరిగిన ఎలిమినేటర్ మ్యాచ్‌లో విజయం సాధించడంతో. ఫైనల్ ఆడి మూడోసారి ఛాంపియన్‌గా నిలిచే ఆశలను సజీవంగా నిలుపుకుంది. SA20లో కావ్య మారన్ జట్టు సన్‌రైజర్స్ ఈస్టర్న్ క్యాప్స్ ఎలిమినేటర్ మ్యాచ్‌లో జోబర్గ్ సూపర్ కింగ్స్‌ను ఓడించింది.

ఎలిమినేటర్ మ్యాచ్‌లో సన్‌రైజర్స్ ఈస్టర్న్ క్యాప్స్ మొదట బ్యాటింగ్ చేసింది. ముందుగా బ్యాటింగ్ చేసిన ఆ జట్టు 20 ఓవర్లలో 6 వికెట్లకు 184 పరుగులు చేసింది. సన్‌రైజర్స్ తరఫున, ఆ జట్టు కెప్టెన్ ఐడెన్ మార్క్రమ్ అద్భుతమైన ఇన్నింగ్స్ ఆడి 40 బంతుల్లో 62 పరుగులు చేసి అత్యధిక స్కోరు సాధించాడు. కెప్టెన్ మార్క్రమ్ ఇన్నింగ్స్‌లో 6 ఫోర్లు, 2 సిక్సర్లు ఉన్నాయి. సన్‌రైజర్స్ జట్టులోని ప్రతి బ్యాట్స్‌మన్ రెండంకెల స్కోరు చేశారు.

జోబర్గ్ సూపర్ కింగ్స్ గెలవడానికి 185 పరుగులు లక్ష్యాన్ని నిర్దేశించింది. కానీ ఈ లక్ష్యాన్ని ఛేదించే క్రమంలో వారు 20 ఓవర్లలో 7 వికెట్లకు 152 పరుగులు మాత్రమే చేసి, 32 పరుగుల తేడాతో మ్యాచ్‌లో ఓడిపోయారు ఇప్పుడు ఆ మ్యాచ్ ఎలిమినేటర్ కావడంతో దానిలో ఓటమితో జోబర్గ్ సూపర్ కింగ్స్ టైటిల్ రేసు నుండి నిష్క్రమించింది. ఈ విజయంతో సన్‌రైజర్స్ ఈస్టర్న్ క్యాప్ క్వాలిఫైయర్ 2 ఆడే అవకాశం సాధించింది. దీనిలో గెలిస్తే వారు ఫైనల్‌కు చేరుకునే అవకాశం ఉంటుంది. సన్‌రైజర్స్ కెప్టెన్ ఐడెన్ మార్క్రమ్ స్వయంగా ఎలిమినేటర్‌లో వారి విజయంలో కీలక పాత్ర పోషించాడు.

SA20లో సన్‌రైజర్స్ ఈస్టర్న్ క్యాప్స్ ఎలిమినేటర్‌ను గెలుచుకోవడం కావ్య మారన్‌కు రెట్టింపు ఆనందం కలిగించింది. ఇంగ్లాండ్‌లోని ది హండ్రెడ్ లీగ్‌లో ఒక జట్టును కొనుగోలు చేయడం ద్వారా తను మరో అద్భుతమైన వార్తను అందుకున్నారు. తను 100 బంతుల లీగ్‌లో దాదాపు రూ. 1000కోట్లు ఖర్చు చేసి నార్తర్న్ సూపర్ ఛార్జర్స్‌లో 100 శాతం వాటాను కొనుగోలు చేశారు. ది హండ్రెడ్‌లో జట్టును కొనుగోలు చేసిన మూడవ ఐపీఎల్ యజమాని కావ్య మారన్.