IPL 2024: ఫైనల్ పోరుకు వర్షం ఎఫెక్ట్.. ఛాంపియన్‌ను ఎలా నిర్ణయిస్తారంటే?

KKR vs SRH Match Weather Forecast: ఇండియన్ ప్రీమియర్ లీగ్ 2024 ఇప్పుడు చివరి దశకు చేరుకుంది. టోర్నమెంట్ నుంచి 8 జట్లు ఎలిమినేట్ అయ్యాయి. ఇప్పుడు రెండు చివరి జట్ల మధ్య ఛాంపియన్‌ను నిర్ణయించనున్నారు. మే 26న కోల్‌కతా నైట్ రైడర్స్, సన్‌రైజర్స్ హైదరాబాద్ జట్లు తలపడనున్నాయి. క్వాలిఫయర్స్‌లోనూ ఈ జట్ల మధ్య జరిగిన మ్యాచ్‌లో కోల్‌కతా నైట్ రైడర్స్ జట్టు సులువైన విజయాన్ని నమోదు చేసింది.

కోల్‌కతా నైట్ రైడర్స్ జట్టు ఈసారి అద్భుత ప్రదర్శన చేసింది. వరుస విజయాలను నమోదు చేస్తూ ఆ జట్టు ఫైనల్స్‌కు చేరుకుంది. కేకేఆర్ జట్టు 14 మ్యాచ్‌ల్లో 9 గెలిచి 18 పాయింట్లు కైవసం చేసుకోగా, రెండు మ్యాచ్‌లు వర్షం కారణంగా వాష్‌కాగా, ఒక్కో పాయింట్‌తో సరిపెట్టుకుంది. కోల్‌కతా జట్టు పాయింట్ల పట్టికలో అగ్రస్థానంలో నిలిచి ప్లేఆఫ్‌కు చేరుకుంది. వర్షం కారణంగా హైదరాబాద్ జట్టు ఒక్క మ్యాచ్ కూడా ఓడిపోలేదు. 14లో 8 విజయాలు, 1 మ్యాచ్‌కు వర్షం అంతరాయం కలిగించడంతో.. మొత్తం 17 పాయింట్లతో జట్టు రెండవ స్థానంలో నిలిచింది.

ఫైనల్‌కు రిజర్వ్ డే ఉందా?

ఇండియన్ ప్రీమియర్ లీగ్ ఈ సీజన్‌లో ఫైనల్ కోసం రిజర్వ్ డే ఉంచారా లేదా అనేది స్పష్టంగా తెలియదు. గత ఏడాది మొదటి రోజు ఫైనల్ మ్యాచ్ ఆడలేకపోవడంతో రిజర్వ్ డేపై నిర్ణయం తీసుకున్నారు. అలాంటిదేమైనా జరిగితే ఇక్కడ కూడా రిజర్వ్ డేకు వ్యవహారం చేరే అవకాశం ఉంది.

ఒకవేళ మ్యాచ్‌లో వర్షం కురిస్తే..

ఐపీఎల్ ఫైనల్‌కు వర్షం అంతరాయం కలిగిస్తే.. కనీసం 5-5 ఓవర్ల మ్యాచ్ నిర్వహించేందుకు ప్రయత్నాలు చేస్తారు. ఇది కూడా సాధ్యం కాకపోతే సూపర్ ఓవర్ ద్వారా మ్యాచ్ ఫలితం తేలనుంది. ఇది కూడా కుదరకపోతే పాయింట్ల పట్టికలో అగ్రస్థానంలో ఉన్న జట్టును విజేతగా ప్రకటించాలని నిర్ణయం తీసుకోనున్నారు.

చెన్నైలో వాతావరణం..

ఈ మ్యాచ్‌లో అభిమానులకు వాతావరణ శాఖ శుభవార్త చెప్పింది. 26న జరిగే మ్యాచ్‌లో వర్షం పడే అవకాశం చాలా తక్కువగా ఉన్నాయి. 5 నుంచి 7 శాతం వర్షపాతం నమోదయ్యే అవకాశం ఉంది. పగటిపూట గరిష్ట ఉష్ణోగ్రత 37 డిగ్రీలు, కనిష్ట ఉష్ణోగ్రత 29 డిగ్రీలుగా నమోదయ్యే అవకాశం ఉంది. గంటకు 43 కిలోమీటర్ల వేగంతో గాలులు వీస్తాయి.