IND vs NZ :నేటి మ్యాచ్ లో తన 17కెరీర్లో మరో మైలు రాయిని దాటనున్న విరాట్ కోహ్లీ

Virat Kohli Set to Reach Milestone in His 17-Year Career

IND vs NZ : ఛాంపియన్స్ ట్రోఫీ ఫైనల్ మ్యాచ్ నేడు అంటే మార్చి 9న భారత్ న్యూజిలాండ్ జట్ల మధ్య జరుగనుంది. ఈ మ్యాచ్ టీం ఇండియా లెజెండరీ బ్యాట్స్‌మన్ విరాట్ కోహ్లీకి చాలా ప్రత్యేకంగా ఉండబోతుంది. విరాట్ కోహ్లీ ఈ మ్యాచ్‌లోకి అడుగుపెట్టిన వెంటనే తన కెరీర్లో మరో మైలురాయిని చేరుకోనున్నారు. ఇంతకు ముందు సచిన్ టెండూల్కర్ మాత్రమే సాధించగలిగిన ఘనతను విరాట్ కోహ్లీ సాధించే అవకాశం ఈ మ్యాచ్ లో ఉంది.

ఈ మ్యాచ్ ద్వారా విరాట్ అనేక రికార్డులను సృష్టించడమే కాకుండా తన కెరీర్లో క్రికెట్లో ప్రపంచంలో తనకంటూ ఓ విశిష్ట స్థానాన్ని క్రియేట్ చేసుకున్నాడు. విరాట్ కోహ్లీ తన అంతర్జాతీయ కెరీర్‌ను 2008లో ప్రారంభించాడు. అప్పటి నుండి అతను టీం ఇండియాలో అత్యంత కీలకమైన ఆటగాడిగా నిలిచాడు. న్యూజిలాండ్‌తో జరగనున్న ఈ మ్యాచ్ అతని కెరీర్‌లో 550వ అంతర్జాతీయ మ్యాచ్ అవుతుంది. ఇన్ని మ్యాచ్‌లు ఆడిన రెండవ భారతీయుడు విరాట్ కోహ్లీ. దీనికి ముందు సచిన్ టెండూల్కర్ మాత్రమే 550 లేదా అంతకంటే ఎక్కువ అంతర్జాతీయ మ్యాచ్‌లు ఆడగలిగాడు. అతను తన కెరీర్‌లో మొత్తం 664 అంతర్జాతీయ మ్యాచ్‌లు ఆడాడు.

విరాట్ కోహ్లీ ప్రపంచంలో 550 అంతర్జాతీయ మ్యాచ్‌ల సంఖ్యను తాకిన ఆరో ఆటగాడిగా ఉంటాడు. అంతర్జాతీయ క్రికెట్‌లో సచిన్‌తో పాటు మహేల జయవర్ధనే, కుమార్ సంగక్కర, సనత్ జయసూర్య, రికీ పాంటింగ్ మాత్రమే ఈ ఘనతను సాధించగలిగారు. ఈ మ్యాచ్ గెలిచి ఈ సందర్బాన్ని మరింత ప్రత్యేకంగా మార్చుకోవడం విరాట్ చేతుల్లో ఉంది.

ఈ మ్యాచ్‌లో విరాట్ కోహ్లీ తన పేరిట అనేక పెద్ద రికార్డులు నమోదు కానున్నాయి. ఈ మ్యాచ్‌లో విరాట్ 46 పరుగులు చేసిన వెంటనే తను ఛాంపియన్స్ ట్రోఫీలో అత్యధిక పరుగులు చేసిన ఆటగాడిగా మారిపోతాడు. ఈ రికార్డు ప్రస్తుతం 791 పరుగులు చేసిన క్రిస్ గేల్ పేరిట ఉంది. ఇది కాకుండా ఈ మ్యాచ్‌లో 55 పరుగులు చేయడం ద్వారా విరాట్ కోహ్లీ వన్డే క్రికెట్‌లో అత్యధిక పరుగులు చేసిన రెండవ ఆటగాడిగా అవతరిస్తాడు. ప్రస్తుతం కుమార్ సంగక్కర 14234 పరుగులతో ఈ స్థానంలో ఉన్నాడు. మరోవైపు, విరాట్ కూడా ఈసారి గోల్డెన్ బ్యాట్ రేసులో ఉన్నాడు. దీనికోసం తను ఫైనల్‌లో పెద్ద ఇన్నింగ్స్ ఆడాల్సి ఉంటుంది. తద్వారా అతను ఇతర బ్యాట్స్‌మెన్‌ల కంటే ముందుండగలడు.