Viral Video: మ్యాచ్ మధ్యలో రోహిత్ కొడుకును ముద్దు చేసిన అనుష్క శర్మ.. వీడియో వైరల్

Viral Video: విరాట్ కోహ్లీ దుబాయ్ స్టేడియంలో న్యూజిలాండ్‌తో జరిగిన వన్డే మ్యాచ్‌లో తన కెరీర్‌లో 300వ మ్యాచ్ ఆడాడు. భారత జట్టు తరపున 300 వన్డే మ్యాచ్‌లు ఆడిన 7వ ఆటగాడిగా నిలిచాడు. ఈ ప్రత్యేక సందర్భంలో విరాట్ కోహ్లీ భార్య అనుష్క శర్మ కూడా తనను ప్రోత్సహించడానికి స్టేడియానికి చేరుకుంది. అయితే, ఈ మ్యాచ్‌లో విరాట్ కోహ్లీ పెద్దగా రాణించలేకపోయాడు. 11 పరుగులు మాత్రమే చేసి అవుట్ అయ్యాడు. ఈ సందర్భంలోనే అనుష్క శర్మ వీడియో సోషల్ మీడియాలో వైరల్ అవుతోంది. ఈ వీడియోలో ఆమె రోహిత్ శర్మ భార్య రితికా సజ్దే , వారి కుమారుడు అహాన్‌తో కలిసి కనిపిస్తుంది.

టీమిండియాను ప్రోత్సహించడానికి అనుష్క శర్మ, రితికా సజ్దే దుబాయ్‌ స్టేడియానికి చేరుకున్నారు. ఈ సమయంలో వారిద్దరూ కలిసి కనిపించారు. అనుష్క శర్మ, రితికా సజ్దే కూడా చాలా సేపు ఒకరితో ఒకరు మాట్లాడుకున్నారు. అనుష్క శర్మ రోహిత్ శర్మ, రితికా సజ్దే కుమారుడు ఆహాన్‌ను ముద్దు చేస్తున్నట్లు వైరల్ వీడియోలో కనిపిస్తుంది. ఈ సమయంలో ఆమె అహాన్‌తో సరదాగా గడుపుతూ కనిపించింది. అనుష్క శర్మ వీడియో వైరల్ అవుతోంది. అభిమానులు ఈ వీడియోను తెగ లైక్ చేస్తున్నారు.

భారత క్రికెట్ జట్టు కెప్టెన్ రోహిత్ శర్మ గతేడాది నవంబర్‌లో రెండోసారి తండ్రి అయ్యాడు. ఆయన భార్య రితికా సజ్దే ఒక మగబిడ్డకు జన్మనిచ్చింది. ఈ సందర్భంగా రోహిత్ శర్మ తండ్రి కాబోతున్న విషయాన్ని ఇన్‌స్టాగ్రామ్‌లో తన అభిమానులతో పంచుకున్నారు. కామెంట్లలో హార్ట్ ఎమోజీని షేర్ చేసి అనుష్క అహాన్ పై ప్రేమను కురిపించింది. విరాట్, అనుష్క కూడా గతేడాది రెండవసారి తల్లిదండ్రులు అయ్యారు. వారికి ఓ కొడుకు పుట్టాడు.

ఈ ప్రత్యేక సందర్భంలో విరాట్ కోహ్లీ భారీ ఇన్నింగ్స్ ఆడలేకపోయాడు. ఈ మ్యాచ్‌లో విరాట్ కోహ్లీ 14 బంతుల్లో 11 పరుగులు చేశాడు. ఇందులో 2 ఫోర్లు ఉన్నాయి. విరాట్ వికెట్‌ను మాట్ హెన్రీ తీసుకున్నాడు. దీనికి గ్లెన్ ఫిలిప్స్ బ్యాక్‌వర్డ్ పాయింట్ వద్ద అద్భుతమైన క్యాచ్ తీసుకున్నాడు. ఈ మ్యాచ్‌లో భారత బ్యాటింగ్ లో మ్యాజిక్ చూపించలేకపోయాడు. నిర్ణీత 50 ఓవర్లలో ఆ జట్టు 9 వికెట్ల నష్టానికి 249 పరుగులు మాత్రమే చేయగలిగింది.