Viral Video: చీర ధరించడం మంచిదే… కానీ ఇలాగా?: వీడియో వైరల్

ఏ ఆచారాన్నైనా గౌరవంగా అనుసరిస్తే, అది అందరికీ ప్రశంసనీయం. కానీ అదే పనిని అనుచితంగా చేసి సంస్కృతిని తక్కువ చేసి చూపిస్తే మాత్రం విమర్శలు తప్పవు. తాజాగా, టర్కీలో ఒక రష్యన్ సోషల్ మీడియా ఇన్‌ఫ్లుయెన్సర్ చేసిన పని, నెటిజన్ల కోపానికి గురైంది.

రష్యన్ యువతి మోనికా కబీర్ టర్కీలోని ఓ బిజీ రోడ్డుపై బహిరంగంగా చీర కట్టుకుంటూ తీసిన వీడియోను ‘నమస్తే టర్కీ’ అంటూ సోషల్ మీడియాలో పోస్ట్ చేసింది. ఎరుపు రంగు చీరలో ఆమె అందంగా కనిపించినా, ఆ వీడియోలో చూపించిన తీరు చాలామందికి తక్కుపట్టనివ్వలేదు. పబ్లిక్ ప్లేస్‌లో ఇలా ప్రవర్తించడం సమంజసం కాదని స్థానిక సెక్యూరిటీ సిబ్బంది ఆమెకు సూచించారు. బహిరంగ ప్రదేశాల్లో మర్యాదగా ఉండాలని హితవు పలికారు.

ఈ వీడియోపై నెటిజన్ల నుంచి తీవ్ర విమర్శలు వచ్చాయి. చీర ధరించడం తప్పేమీ కాదు కానీ, అది మర్యాదతో జరగాలంటూ వారు అభిప్రాయపడ్డారు. కొంతమంది భారతీయులు అయితే, ఈ చర్య భారతీయ సంస్కృతి పట్ల అవగాహనలేని అవమానకర ప్రవర్తనగా అభివర్ణించారు. “సంస్కృతి దుస్తులను ధరించడంలో కాదు, దాన్ని గౌరవించడంలో ఉంది,” అని మోనికాను తప్పుపట్టారు.

ఈ వీడియో మోనికా టర్కీ పర్యటనలో ఉన్నప్పుడు తీసినదని తెలుస్తోంది. ఆమె స్వస్థలం బంగ్లాదేశ్‌లోని ఢాకా. విదేశాల్లో భారతీయ వస్త్రధారణను ప్రదర్శించాలన్న ఉద్దేశం ఉన్నా, అది చేసే విధానంలో బాధ్యతాయుతంగా ఉండాల్సిన అవసరం ఉంటుంది.

చీర అనేది భారతీయ సంప్రదాయానికి ప్రతీక. దాన్ని గౌరవంగా ధరించడం ప్రశంసనీయం. అయితే సామాజిక పరిణామాలను, ఇతరుల భావోద్వేగాలను పరిగణనలోకి తీసుకోకుండా బహిరంగ ప్రదర్శన చేయడం మాత్రం విమర్శలకే దారితీస్తుంది.