Viral Video: హిమాచల్‌ బస్సు ప్రయాణం.. ప్రాణాలతో చెలగాటం.. వైరల్‌ అవుతున్న జర్నీ వీడియో..!

Himachal Pradesh bus Video: హిమాచల్ ప్రదేశ్‌లో బస్సు వెళుతున్న రూటు చాలా ప్రమాదకరంగా ఉంది. ఆ రోడ్డు అతి చిన్నగా.. ప్రమాదకరంగా ఉంది. ఒక్క అడుగు అటూ ఇటూ అయినా ప్రాణాలు గాల్లోకే.. ఒక పక్క కొండ మరోపక్క పారుతున్న నది కనిపిస్తోంది. ప్రమాదకరంగా కనిపిస్తున్న ఈ వీడియో నెట్టింట వైరల్ అవుతుంది. కొండ ప్రాంతాల్లో ప్రకృతిని ఆస్వాదిస్తూ ప్రయాణం చేయడం ప్రతి ఒక్కరికి ఇష్టం. టూరిస్టులను కూడా ఆకర్షిస్తుంది. అయితే ఈ బస్సు ప్రయాణం చూస్తే మాత్రం ఒళ్లుగగుర్పొడుస్తుంది. ఎందుకంటే బస్సు ఏ మాత్రం డ్రైవర్ ఏమాత్రం అజాగ్రత్తగా ఉన్నా నీటిలో పడిపోవడం క్షణం మాత్రం కూడా ఆలస్యం కాదు. ఈ హిమాచల్ ప్రదేశ్ బస్ జర్నీ సంబంధించిన వీడియో నెట్టింట వైరల్ అవుతుంది

హిమాచల్ ప్రదేశ్ టూరిస్టులకు గమ్యస్థానం.. అందమైన కొండలు ఆ ప్రాంతాలు ఆకర్షణీయంగా కనిపిస్తాయి. అందుకే ఎక్కువ శాతం మంది ఆ ప్రాంతాల్లోని లొకేషన్స్ వెళ్తారు. సోషల్ మీడియాలో ఓ వ్యక్తి హిమాచల్ ప్రదేశ్ పబ్లిక్ ట్రాన్స్‌పోర్ట్ లో ప్రయాణం చేయాలని ఉందా? అని ఈ వీడియోను పోస్ట్ చేశారు. ఈ వీడియోకు చాలామంది కామెంట్స్ చేస్తున్నారు. కొంతమంది హిమాచల్ డ్రైవర్స్ 'అల్ట్రా ప్రో మాక్స్' అంటూ కామెంట్లు పెడుతున్నారు.

కొంతమంది థ్రిల్లింగ్‌ ఉంది.. అంటే మరికొందరు ఈ హిమాచల్ ప్రదేశ్ బస్సు డ్రైవర్లు ఓజీలు అంటూ రాసుకొచ్చారు. ఈ బస్సు ప్రయాణం మేము కూడా చేశాం.. చాలా భయంకరంగా ఉంటుంది, కానీ అద్భుతంగా కూడా కనిపిస్తుంది అని రాసుకొచ్చారు. కొంతమంది లొకేషన్ గురించి అడగ్గా హిమాచల్ ప్రదేశ్ టౌన్ అని రిప్లై వచ్చింది. అయితే ఈ క్లిప్పు మాత్రం చంబా నుంచి పంజీ వెళ్లే రూట్ లో ఉంటుందని మరి కొంతమంది కామెంట్ చేశారు. సోషల్‌ మీడియాలో కొన్ని వీడియోలు త్వరగా వైరల్‌ అవుతాయి. దానికి రకరకాలుగా కామెంట్లు కూడా పెడుతుంటారు. జంతువులకు సంబంధించిన వీడియోలు వైరల్‌ అవుతుంటాయి.