అర్ధరాత్రి హోటల్‌లోకి అనుమానాస్పద నల్లటి ఆకారం ప్రవేశం.. సీసీ కెమెరాలో రికార్డ్!

రాజస్థాన్‌లోని సుందరమైన హిల్‌స్టేషన్‌ మౌంట్ అబూలో అర్ధరాత్రి ఒక షాకింగ్ సంఘటన చోటుచేసుకుంది. తెల్లవారుజామున 2.55 గంటల సమయంలో, ఒక హోటల్‌లోకి నల్లటి ఆకారం అకస్మాత్తుగా ప్రవేశించింది. తర్వాత తెలిసింది ఏమిటంటే… అది ఒక ఎలుగుబంటే!

CCTVలో రికార్డ్ అయిన షాకింగ్ సీన్

ఎలుగుబంటి హోటల్ మెయిన్ డోర్ తోసుకుని నేరుగా రిసెప్షన్ ఏరియాలోకి ప్రవేశించింది.

దాదాపు 4-5 నిమిషాల పాటు అక్కడ తిరుగుతూ గదులు వాసన చూసింది.

పక్కన ఉన్న బెంచ్ ఎక్కి కిటికీపై ఉన్న వస్తువులను పరిశీలించడం కూడా స్పష్టంగా కనిపించింది.

ఎవరూ లేని అదృష్టం

ఆ సమయంలో రిసెప్షన్ వద్ద ఎవరూ లేకపోవడంతో ఎటువంటి ప్రమాదం జరగలేదు. కావలసినది దొరకకపోవడంతో ఎలుగుబంటి లోపలికి వచ్చిన తలుపు ద్వారానే బయటకు వెళ్లిపోయింది.

జనావాసాల్లో వన్యప్రాణుల సంచారం పెరుగుతున్న తరుణంలో, ఈ ఘటన సోషల్ మీడియాలో చర్చనీయాంశంగా మారింది.