విష వాయువు లీకేజీ.. ఒకరి పరిస్థితి విషమం..

విశాఖ ఘటన మరవక ముందే చత్తిస్ ఘడ్ లో మరో గ్యాస్ ఉదంతం వెలుగులోకి వచ్చింది. విష వాయువు లీకేజీ కారణంగా ఛత్తీస్‌గడ్ రాష్ట్రం రాయ్‌పూర్ జిల్లాలోని పేపర్ మిల్లులో విషపూరిత వాయువు పీల్చుకుని ఏడుగురు కార్మికులు అనారోగ్యానికి గురైనట్లు పోలీసులు గురువారం తెలిపారు. వారిలో ముగ్గురిని రాయ్‌పూర్ ప్రభుత్వ ఆసుపత్రికి పంపించామని, ఒకరి పరిస్థితి విషమంగా ఉందని పోలీసులు తెలిపారు.

"బుధవారం రాత్రి టెట్లా గ్రామంలోని శక్తి పేపర్ మిల్లు వద్ద ఈ సంఘటన జరిగింది, ఆ సమయంలో బాధితులు కాగితపు వ్యర్థాలతో నిండిన బహిరంగ ట్యాంక్‌ను శుభ్రం చేస్తున్నారు" అని రాయ్‌పూర్ ఎస్పీ చెప్పారు. కోవిడ్ -19 లాక్డౌన్ అమలు చేయబడినప్పటి నుండి మిల్లు మూసివేయబడిందని , కార్యకలాపాలను తిరిగి ప్రారంభించడానికి శుభ్రపరిచే పనులు జరుగుతున్నాయని పోలీసులు తెలిపారు. ఈ సంఘటనకు ఖచ్చితమైన కారణాన్ని పరిశోధించడానికి ఫోరెన్సిక్ నిపుణుల బృందాన్ని అక్కడికి పంపించామని, త్వరలో కేసు నమోదు చేయనున్నట్లు ఎస్పీ తెలిపారు.