పలువురు మహిళలకు 'నారి శక్తి పురష్కార్' ప్రధానం చేసిన రాష్ట్రపతి

2020 అంతర్జాతీయ మహిళా దినోత్సవం సందర్భాన్ని పురష్కరించుకొని.. ఢిల్లీలో రాష్ట్రపతి రామ్ నాథ్ కోవింద్ 2019 సంవత్సరానికి గాను మహిళా సాధకులకు 'నారి శక్తి పురష్కార్' ను సమర్పించారు. ఈ అవార్డును అందుకున్న ఏడుగురు మహిళల్లో భారత వైమానిక దళాల తొలి మహిళా ఫైటర్ పైలట్లు - మోహనా జితార్వాల్, అవని చతుర్వేది, భవన కాంత్ ఉన్నారు.

ముగ్గురు మహిళా పైలట్లు 2018 లో మొదటిసారిగా MIG-21 ఫ్లైట్ ను సోలోగా డ్రైవ్ చేశారు. ఈ సందర్బంగా వారు మాట్లాడుతూ.. "మేము మా దేశానికి సేవ చేయడానికి ఉన్నాము.. మేము సాధించాల్సింది చాలా ఉంది" అని IAF మహిళలు చెప్పారు.

♦ చరిత్ర సృష్టించిన 'మిరాకిల్ ఫ్రమ్ చండీగడ్ '10 ఏళ్ల మన్ కౌర్ - అథ్లెటిక్స్లో సాధించిన విజయాలకు రాష్ట్రపతి నుండి ప్రతిష్టాత్మక అవార్డును కూడా అందుకున్నారు. ఆమె ప్రపంచవ్యాప్తంగా ట్రాక్ మరియు ఫీల్డ్ ఈవెంట్లలో 30 పతకాలు సాధించారు.

♦ తెలంగాణకు చెందిన పడాలా భూదేవికి కూడా నారి శక్తి పురష్కారం ప్రధానం చేశారు. 1996 లో స్థాపించబడిన కమ్యూనిటీ-ఆధారిత సంస్థ- CAVS (చిన్నై అధివాసి వికాస్ సొసైటీ) ద్వారా గిరిజన మహిళలు, వితంతువుల అభివృద్ధి కోసం ఆమె కృషి చేస్తోంది.

♦ భారతదేశంలో ఆటోమొబైల్ టెక్నాలజీల అభివృద్ధికి కృషి చేసిన రష్మి ఉర్ధ్వర్ధేకు కూడా రాష్ట్రపతి అవార్డు ప్రధానం చేశారు. దేశంలో ఆటోమొబైల్ టెక్నాలజీస్ ప్రాజెక్టులలో మరింత వృద్ధి సాధించేందుకు వీలుగా మిచెలిన్ ఇండియాతో అవగాహన ఒప్పందం కుదుర్చుకోవడానికి ఆమె సహకరించారు.

♦ జమ్మూ కాశ్మీర్ సంస్కృతి మరియు వారసత్వాన్ని పునరుద్ధరించడానికి చేసిన ప్రయత్నాలకు గాను శ్రీనగర్ కు చెందిన అర్ఫా జాన్ కు కూడా 'నారి శక్తి పురష్కార్' లభించింది. ఈ సందర్బంగా ఆమె మాట్లాడుతూ.. "నా తండ్రి మరియు భర్త మద్దతుతో, నేను సంప్రదాయవాద సమాజంతో పోరాడగలిగాను అని ఆమె అన్నారు.

♦ మహిళా సాధికారతకు చేసిన కృషికి ఫలితంగా తొంభై ఆరేళ్ల కార్తియాని అమ్మ , 105 ఏళ్ల భగీరతి అమ్మ లకు సంయుక్తంగా 'నారి శక్తి పురష్కార్' అవార్డును ప్రదానం చేశారు రాష్ట్రపతి. అక్షరాస్యత కార్యక్రమాల్లో భాగం కావాలని కోరుకునే వేలాది మందికి వీరు రోల్ మోడల్‌గా నిలిచారు.

♦ కేరళ రాష్ట్ర అక్షరాస్యత మిషన్ అథారిటీ కార్యక్రమం అయిన "అక్షలక్షం" లో కార్తియాని అమ్మ 2018 లో 98/100 మార్కులు సాధించారు. అలాగే భగీరతి అమ్మ కేరళ రాష్ట్ర అక్షరాస్యత మిషన్ యొక్క నాల్గవ ప్రామాణిక సమానత్వ పరీక్షను క్లియర్ చేశారు.

♦ జార్ఖండ్‌కు చెందిన 'లేడీ టార్జాన్' గా పిలువబడే పర్యావరణవేత్త చామి ముర్ము అటవీ శాఖతో కలిసి 25 లక్షలకు పైగా చెట్లను విజయవంతంగా నాటారు.. మరియు స్థానిక వన్యప్రాణుల రక్షణకు చురుకుగా కృషి చేశారు. ఆమెకు కూడా అవార్డు వచ్చింది.

♦ "పాన్ ఇండియా స్థాయిలో లడఖీ వంటకాలను సూచించే రెస్టారెంట్" నిల్జా వాంగ్మోకు 'నారి శక్తి పురష్కార్' ప్రదానం చేశారు. లడఖిలో సాంప్రదాయ వంటకాలను అందించే మొద ఆమె రెస్టారెంట్ ఆమెదే.

♦ పుట్టగొడుగుల సాగులో ప్రాచుర్యం పొందినందుకు గాను బీహార్ కు చెందిన బినా దేవికి కూడా పురష్కారం లభించింది. ఆమెను 'మష్రూమ్ విమెన్' అని పిలుస్తారు. ఆమె ఐదేళ్లపాటు టెటియాంబంబర్ బ్లాక్‌లోని ధౌరి పంచాయతీకి సర్పంచ్ గా వ్యవహరించారు కూడా.

♦ ఇక బహిరంగ మలవిసర్జన వలన కలిగే అనారోగ్యాలకు సంబంధించి అవగాహన కల్పించడానికి చర్యలు తీసుకున్నందుకు గాను కలావతి దేవికి కూడా అవార్డు లభించింది. కాన్పూర్‌లో బహిరంగ మలవిసర్జనను తగ్గించేందుకు చేసిన ఆమె ప్రయత్నాలు దాదాపు విజయవంతం అయ్యాయి.

♦ 2013 లో ఎవరెస్ట్ శిఖరాన్ని అధిరోహించిన మొదటి మహిళా కవలలు - తాషి మరియు నుంగ్షి మాలిక్ లకు కూడా ఈ అవార్డును ప్రదానం చేశారు. వారు నుంగ్షి తాషి ఫౌండేషన్ వ్యవస్థాపకులుగా ఉన్నారు.

♦ 2010 లో సంగీత నాటక అకాడమీ అవార్డు పొందిన కౌశికి చక్రవర్తికి కూడా 'నారి శక్తి పురష్కార్' లభించింది. కేంద్ర మహిళా, శిశు అభివృద్ధి మంత్రిత్వ శాఖ ప్రతి సంవత్సరం మార్చి 8 న అంతర్జాతీయ మహిళా దినోత్సవాన్ని జరుపుతున్న సంగతి తెలిసిందే.