ప్రధాని మోదీ సంచలన ట్వీట్.. సోషల్ మీడియాకు గుడ్ బై ?

సోషల్ మీడియాలో ప్రపంచ వ్యాప్తంగా అత్యధిక ఫాలోయింగ్ ఉన్న నాయకుల్లో ప్రధాని మోదీ ఒకరు. ట్విట్టర్‌లో ప్రధాని మోదీకి 5.33 కోట్ల మంది ఫాలోవర్స్ ఉన్నారు. ఇన్‌స్ట్రాగ్రామ్‌లో 3 కోట్లపైగా ఫాలోవర్స్ ఉన్నారు. అంతే కాకుండా ఫేస్ బుక్ లో నాలుగు కోట్ల మంద్రి మోదీని ఖాతాను లైక్ చేశారు. ఈ నేపథ్యంలో మోదీ సోషల్ మీడియా నుంచి వైదొలగాలని నిర్ణయించినట్లు వెల్లడించారు.

ఈ ఆదివారం నుంచే సోషల్ మీడియా వేదికలైన ఫేస్‌బుక్, ట్విట్టర్, ఇన్‌స్ట్రాగ్రామ్, యూట్యూబ్ నుంచి తప్పుకోవాలని భావిస్తున్నట్లు స్పష్టం చేశారు. ప్రధాని మోదీ ఈ మేరకు సోమవారం ట్వీట్ చేశారు. తాను సోషల్ మీడియాలో లేకపోయినా అందరూ చురుగ్గా పోస్టింగ్‌లు చేయాలని సూచించారు.

అయితే ప్రధాని మోదీ ఉన్నట్లుండి ఎందుకు ఈ నిర్ణయం తీసుకున్నారో తెలిసిరాలేదు. అయితే, అన్ని సామాజిక మాధ్యమాల నుంచి వైదొలుగుతానని ప్రధాని చేసిన ట్వీట్‌కు నెటిజన్ల నుంచి భారీ రెస్పాన్స్ వచ్చింది. మోదీ చేసిన ఆ ట్వీట్‌ను 35 వేల మంది ఇప్పటి వరకు లైక్ చేయగా.., 12 వేల మంది రీ ట్వీట్ చేశారు.