ఒడిశాలో దారుణం.. గుడిలో వ్యక్తిని హతమార్చిన పూజారి

ఒడిశాలో దారుణం చోటుచేసుకుంది. కటక్‌లోని ఒక వృద్ధ పూజారి దేవతలను ప్రసన్నం చేసుకోవడానికి అలాగే కరోనావైరస్ మహమ్మారిని అంతం చేయడానికని ఆలయ ప్రాంగణంలో ఉన్న స్థానిక యువకుడి తలను నరికివేశాడు. ఈ సంఘటన బుధవారం రాత్రి ఒడిశాలోని కటక్ జిల్లాలోని నరసింగ్‌పూర్ పోలీస్ స్టేషన్ పరిధిలోని బంధహూడ సమీపంలోని ఆలయంలో జరిగింది. నిందితుడు బుద్ధ బ్రాహ్మణి దేవాలయ పూజారి అయిన సంసారీ ఓజా (72) గా గుర్తించారు. అతను ఈ నేరానికి పాల్పడిన వెంటనే బుధవారం రాత్రి పోలీసుల ముందు లొంగిపోయాడు. మృతుడు సరోజ్‌ కుమార్ ప్రధాన్ (52) గా గుర్తించారు. 'త్యాగం' పై ఆలయంలో తనకు, ప్రధాన్ మధ్య వాగ్వాదం చెలరేగినట్లు ఓజా తెలిపారు.

వాదన తీవ్రతరం కావడంతో, ఓజా అతన్ని పదునైన ఆయుధంతో తల మీద కొట్టడంతో ఆ వ్యక్తి అక్కడికక్కడే మరణించాడు. విచారణ సమయంలో, పూజారి తన కలలో 'దేవుని నుండి ఆదేశాలు' అందుకున్న తరువాత ఈ హత్యకు పాల్పడ్డాడని, అందులో మానవ త్యాగం కరోనావైరస్ ను తొలగిస్తుందని చూశానని చెప్పాడు. హత్యలో ఉపయోగించిన గొడ్డలిని పోలీసులు స్వాధీనం చేసుకున్నారు. పోలీసులు మృతదేహాన్ని పోస్టుమార్టం కోసం పంపారు. ఈ సంఘటనపై తదుపరి దర్యాప్తు జరుగుతోంది.. మరోవైపు గ్రామ అంచున ఉన్న మామిడి తోటపై పూజారి, మృతుడి మధ్య చాలాకాలంగా వివాదం ఉందని బందహుడా గ్రామంలోని స్థానికులు తెలిపారు.

హెచ్ఎంటీవీ లైవ్ వార్తలు ఎప్పటికప్పుడు గూగుల్ న్యూస్ లో చూడటానికి ఇక్కడ క్లిక్ చేయండి