రైతులకు నెలనెలా 3 వేల రూపాయల పెన్షన్‌ ... స్కీమ్‌ను ప్రారంభించిన మోడీ

రైతులకు ఇక నుంచి నెలనెలా పెన్షన్ అందనుంది. రైతులకు నెలకు మూడువేల రూపాయలు పెన్షన్ అందించే పథకాన్ని ప్రధాని మోడీ ప్రారంభించారు. జార్ఖండ్ ఎన్నికల ప్రచార శంఖారావంలో ప్రధాని మోడీ పాల్గొని ఈ స్కీమ్‌ను ప్రారంభించారు. ఇదే కాక ఆయన అనేక అభివృద్ధి కార్యక్రమాల్లో పాల్గొన్నారు. షాహెబ్ గంజ్‌లో మల్టీ మోడల్ టెర్మినల్‌ను ప్రారంభించారు. ఈ పథకం కింద 18 నుంచి 40 ఏళ్ళ లోపు వారు చేరితే, వారు 60 సంవత్సరాల వయస్సు రాగానే నెలకు మూడు వేల రూపాయల పెన్షన్ లభిస్తుంది. వచ్చే ఏడాది మొదట్లో జార్ఖండ్ అసెంబ్లీకి ఎన్నికలు జరగనున్న నేపథ్యంలో ఆ రాష్ట్రంలో ఈ పథకాన్ని ప్రధాని మోదీ జాతికి అంకితం చేశారు.