జమాత్‌లో పాల్గొన్న విదేశీయులను బ్లాక్ లిస్ట్ లో పెట్టిన హోమ్ శాఖ

ఢిల్లీలోని తబ్లిజ్ జమాత్‌లో పాల్గొన్న విదేశీయులను బ్లాక్ లిస్ట్ లో పెట్టింది కేంద్ర ప్రభుత్వం. వారి వీసాలు కూడా రద్దు చేశారు. వీరిలో 379 ఇండోనేషియన్లు, 110 మంది బంగ్లాదేశీయులు, 9 మంది బ్రిటిష్ర్లు, నలుగురు అమెరికన్లు, ఆరుగురు చైనీయులు, ముగ్గురు ఫ్రెంచ్ పౌరులు ఉన్నారు. విదేశీయుల చట్టం, 1946 మరియు విపత్తు నిర్వహణ చట్టం, 2005 లోని సంబంధిత సెక్షన్ల ప్రకారం, ఉల్లంఘనలకు పాల్పడిన వారందరిపై చట్టపరమైన చర్యలు తీసుకోవాలని కేంద్ర హోమ్ మంత్రిత్వ శాఖ అన్ని సంబంధిత రాష్ట్రాలు / యుటిలు మరియు ఢిల్లీ పోలీసు కమిషనర్లను ఆదేశించింది.

ఢిల్లీలోని నిజాముద్దీన్ లోని మత కార్యక్రమంలో పాల్గొన్న అమెరికా, ఫ్రాన్స్, ఇటలీ దేశాలతో సహా 1,300 మంది విదేశీ తబ్లిజ్ జమాత్ కార్యకర్తలు దేశంలోని వివిధ ప్రాంతాలలో గుర్తించబడ్డారని, వారిలో ఎక్కువ మందిని నిర్బంధంలో ఉంచినట్లు అధికారులు తెలిపారు. నిజాముద్దీన్ లో సుమారు 20 రాష్ట్రాలు మరియు కేంద్రపాలిత ప్రాంతాలలో విస్తరించి ఉన్న 9,000 మంది భారతీయ తబ్లిఘి జమాత్ సభ్యులను మరియు వారి పరిచయస్తులను వివిధ ప్రభుత్వాలు గుర్తించాయి. వీరందరినీ దిగ్బంధం కేంద్రాల్లో ఉంచే పనిలో ఉన్నారు.