మందుబాబులు కోసం మహారాష్ట్ర సర్కార్ వినూత్న విధానం!

మందుబాబులుకోసం మహారాష్ట్ర సర్కార్ మరో కీలక నిర్ణయం తీసుకుంది.. మద్యం షాపులు ఓపెన్ చేయడంతో మందుబాబులు నిబంధనలను పాటించకుండా భారీగా గుమికూడుతుండటం, మరోపక్కా రాష్ట్రంలో కరోనా వీరవిజృంభణ చేస్తుండటంతో మహారాష్ట్ర సర్కార్ ఓ కొత్త విధానానికి నాంది పలికింది.

ఆదివారం నుంచి టోకెన్ విధానాన్ని అమల్లోకి తెస్తోంది. అంటే మద్యం కొనుగోలు చేసుకోవాలని అనుకునే వారు ముందుగా ఎక్సైజ్ విభాగం పోర్టల్‌లోకి వెళ్లి అక్కడ రిజిస్టర్ చేసుకుంటే టోకెన్ వస్తుంది.. ఆ టోకెన్ తీసుకొని మద్యం షాపుకి వెళ్లి అక్కడ మద్యం కొనుగోలు చేసుకోవచ్చు అన్నమాట.. అయితే ఈ-టోకెన్ విధానం కోసం పుణే, నాసిక్ ప్రాంతాల్లోని హోల్‌సేలర్స్ అసోసియేషన్ యాప్‌ను డెవలప్ చేసింది.

ముందుగా మధ్యం కొనుగోలు చేసుకోవాలి అనుకునే వారు ఈ యాప్ డౌన్‌లోడ్ చేసుకోవాలి. రిజిస్టర్ చేసుకుంటే వచ్చే టైం స్లాట్ ఆధారంగా సమీపంలోని లిక్కర్ షాపుకెళ్లి మద్యం కొనుగోలు చేయొచ్చు. ఈ విధానం వల్ల టోకెన్ పొందిన వారు తమకు కేటాయించిన టైంలోనే మద్యం కొనుగోలు చేస్తారు. తద్వారా వైన్స్ వద్ద భారీ క్యూలు తగ్గుతాయి. కరోనా కట్టడి చేసినట్టు కూడా అవుతుంది. ఒకవేళ ఇది వర్కౌట్ అయితే మహారాష్ట్రలో మొత్తం ప్రవేశపెట్టనున్నారు.