అసలే కరోనావైరస్.. ఆపై కరెన్సీ నోట్లతో నోరూ, ముక్కు తుడుచుకున్నాడు.. చివరకు..

అసలే కరోనా వైరస్ అనేది అంటూవ్యాధి అన్నది ప్రపంచం అందరికి తెలిసిన విషయం.. కానీ ఓ యువకుడికి మాత్రం దీనిపై ఇంకా అవగాహనా రాలేదేమో.. ఏకంగా కరెన్సీ నోట్లతో నోరు, ముక్కు తుడుచుకుంటూ టిక్ టాక్ చేశాడు. దాంతో జైలు పాలయ్యాడు. వాస్తవానికి సార్స్-కోవి -2 అని పిలువబడే కొత్త కరోనావైరస్ ప్రధానంగా శ్వాసకోశ బిందువుల ద్వారా వ్యాపిస్తుంది. ఈ క్రమంలో మహారాష్ట్ర మలేగావ్‌ కు చెందిన సలేద్ జమీల్ సయ్యద్ (38) ను ఇటీవల కరెన్సీ నోట్లతో ముఖాన్ని తుడుచుకుంటూ టిక్ టాక్ చేశాడు.. దాంతో ఈ వీడియో వైరల్ అయింది.

ఒక వ్యక్తి ఫిర్యాదు ఆధారంగా అతన్ని అరెస్ట్ చేశారు. దాంతో అతనికి ఏప్రిల్ 7 వరకు మాలెగావ్ కోర్టు రిమాండ్ విధించింది" అని ఒక అధికారి పిటిఐ పేర్కొన్నారు. కాగా మహారాష్ట్రలో 423 కరోనావైరస్ కేసులు ఉన్నాయి, మరియు కోవిడ్ -19 తో 19 మంది మరణించారు.

దేశవ్యాప్తంగా కేసులు 2,900 దాటాయి, అలాగే మరణాల సంఖ్య 68 గా నమోదైంది. కరోనా వైరస్ ను నివారించాలన్న లక్ష్యంతో సామాజిక దూరాన్ని అమలు చేసింది కేంద్ర ప్రభుత్వం. ఇందులో భాగంగా భారతదేశం మూడు వారాల లాక్డౌన్ విధించింది.